AlA ඉන්ෂුවරන්ස් ලංකා සමාගම, සිය බෙදාහැරීම් ජාලය ව්‍යාප්ත කරලීමේ ප්‍රයත්නයේ තවත් පියවරක් ඉදිරියට තබමින්, නොබෝදා අනුරාධපුර නගරයේ දී නවතම AlA සංවර්ධන කාර්යාලයක් විවෘත කරන ලදි. මෙම කාර්යාලය අංක 562/106/N2, පියවර 3, කාර්මික පෙදෙස, අනුරාධපුරය දරන ස්ථානයේ පිහිටා ඇත. මෙම නවතම කාර්යාලය ඔස්සේ අසමසම රක්ෂණ විසඳුම් සමඟින් ගනුදෙනුකරුවන්ට වඩාත් සුවිශේෂී පාරිභෝගික සේවාවක් අත්විඳීමේ අවස්ථාව උදාකර දී ඇත. ඒ ඔස්සේ, අනුරාධපුර නගරයේ සහ ඒ අවට ජීවත් වන පාරිභෝගික ජනතාවට ජීවිත රක්ෂණ, සෞඛ්‍ය රක්ෂණ, විශ්‍රාම සැලසුම් සහ ආයෝජන යන පුළුල් පරාසයක් සහිත රක්ෂණ විසඳුම් රැසක් ලබා දීමට එම කාර්යාලයේ සේවයේ නියුතු රක්ෂණ වෘත්තිකයින් කණ්ඩායම වඩාත් කැපවීමෙන් යුතුව සහාය වනු ඇත.
ඒ ඔස්සේ සියලුම සේවාලාභීන්ටත් ඔවුන්ගේ ආදරණීයයන්ටත් අනාගත මූල්‍ය සුරක්ෂිතතාව සහ රැකවරණය තහවුරු කිරීම අපේක්ෂා කෙරේ.
