619
හේලීස් PLC මෙරට ආයතනික වාර්තාකරණයේ ඉහළම ජයග්‍රහණය ලබා ගැනීමට පසුගියදා සමත් විය. ඒ 2024 CA Sri Lanka TAGS සම්මාන උලෙළේ වාර්ෂික වාර්තාකරණයේ සමස්ත විශිෂ්ටත්වය සඳහා වූ ‘සිරිල් ගාර්ඩිනර් අනුස්මරණ කුසලාන’ රන් සම්මානයෙන් පිදුම් ලබමිනි.
මෙරට මූල්‍ය හා තිරසර වාර්තාකරණයේ අඛණ්ඩ විශිෂ්ටත්වයක් පවත්වාගෙන යමින් 2022 වසරේ TAGS සම්මාන උලෙළ ආරම්භයේ සිටම ඉහළම ගෞරවය දිනා ගැනීමට හේලීස් සමත් විය. හේලීස් සමූහය මෙම උලෙළේදී සම්මාන 20ක් දිනා ගැනීම විශේෂත්වයකි. මේ සම්බන්ධයෙන් අදහස් දැක්වූ හේලීස් සභාපති සහ ප්‍රධාන විධායක මොහාන් පණ්ඩිතගේ කියා සිටියේ, “ආයතනික විනිවිදභාවය, වගවීම, පාලනය හා තිරසරභාවය යන ප්‍රමුඛ සාධක වෙනුවෙන් ඉටු කරන කැපවීම පෙන්නුම් කරමින් නැවතත් මෙම ජයග්‍රහණය හිමි කර ගැනීමට හේලීස් සමත්වීම පිළිබඳ අප ඉතාමත් සතුටට පත් වනවා” යනුවෙනි.
