මේෂ – අතමිට සරු ආර්ථිකයක්
සඳු ගමන් ගන්නේ 12, 01, 02, 03 යන භාවයන් හරහාය. මේ සතියේ දෙවන තුන්වන දිනවලදී අතමිට සරු ආර්ථිකය පිළිබඳව සතුටු විය හැකි වාතාවරණයක් ගෙන දෙයි. මුල් දින දෙක තුළ ඉවසීමෙන් මැදිහත්ව කටයුතු කිරීම ඉතා වැදගත්වේ. සමාජශීලී පොදු කටයුතුවල නියැළීමෙන් අන්‍යයන්ගේ පැසසුම් ලබයි. ස්වයංරැකියාවක් ආරම්භ කිරීමට සුදුසු දින කීපයකි. අසරණ අයට දෙමාපිය වැඩිහිටියනට සැලකීම ඔබේ අපල අවම කරයි.
•සුබ අංක – 6, 9 / සුබ වර්ණ – ලා රෝස, ක්‍රීම් / සුබ දවස් – සිකුරාදා, සෙනසුරාදා
වෘෂභ – ලැබීම් සහිතයි
සඳු ගමන් ගන්නේ 11, 12 ලග්නය සහ දෙවැන්න හරහාය. ආරම්භය සතුටුදායක වන අතර අතමිට මිල මුදල් ගැවසෙන කරන කියන රැකී රක්ෂා ව්‍යාපාරවලින් ලාභ ප්‍රයෝජන ලබන බවක්ද පෙන්වයි. සමාජයට වැඩදායි කටයුතුවල නිරත වේ. ප්‍රසිද්ධිය ලබයි. සහජ හැකියාවන් මතු කරයි. කථාවේ සුහඳශීලි බව නිසා සතියේ අග දින දෙක හිතවතුන් වැඩිවෙයි. ඉවසීම මධ්‍යස්ථ බව ඇති කර ගැනීම තුළින් අපල අවම කර ගත හැකිය.
•සුබ අංක – 6, 9 / සුබ වර්ණ – ලා රෝස, ක්‍රීම් / සුබ දවස් – සිකුරාදා, සෙනසුරාදා
මිථුන – රැකියා, වෙළඳ ව්‍යාපාරවලින් ලාභ
සඳු ගමන් ගන්නේ 10, 11, 12 ලග්නය මතිනි. රැකියා වෙළඳ ව්‍යාපාරවලින් ලාභ ප්‍රයෝජන ලද හැකි ආර්ථිකය ශක්තිමත් බවක් උසුලන සතියකි. ඒ අතරතුර පාඩු හෝ නිෂ්පල ගමන් සිදු විය හැකි බැවින් කල්පනාවෙන් කටයුතු කරන්න. දරුවන්ගේ අධ්‍යාපනික දක්ෂතා මතු කරයි. අපල අවම කර ගැනීමට කොහොඹ පැළයකට සත්කාර කරන්න.
•සුබ අංක – 3, 5 / සුබ වර්ණ – කොළ, කහ / සුබ දවස් – බදාදා, බ්‍රහස්පතින්දා
කටක – පුණ්‍ය කටයුතුවල නියැළෙයි
සඳු ගමන් ගන්නේ 9, 10, 11, 12 යන භාවයන් මතිනි. සහජ දක්ෂතා මතු කරන සහෝදර උපකාර ගෙන දෙන සතියකි. රැකියා ව්‍යාපාර කටයුතු සපල වෙයි. ගෙදර දොර සමගිය සමාදනය දරුවන්ගේ යහපත් අරමුණු ඉටුවන ලකුණු. අවසාන දිනයේ දුර ගමනක් යෙදීමට හෝ පාඩුවක් සිදුවීමට ඉඩ ඇත. අපල අවම වීමට පත්තිනි දේවියට පින් දෙන්න.
•සුබ අංක – 2, 7, 9 / සුබ වර්ණ – කහ, සුදු / සුබ දවස් – සදුඳා, අඟහරුවාදා
සිංහ – රැකියා අංශවලින් ලාභ ප්‍රයෝජන
සඳු ගමන් කරන්නේ 8, 9, 10, 11 යන භාවයන් මතිනි. ආරම්භය කනගාටුදායක පුවතක් කණවැකෙන්නට ඉඩ ඇත. ඉන් පසු දින කීපය ඔබගේ දරුවන්ගේ අධ්‍යාපන කටයුතු සහ ඔවුන්ගේ වෙනත් අවශ්‍යතා වෙනුවෙන් වෙහෙසෙයි. රැකියා අංශවලින් ලාභ ප්‍රයෝජන ලබයි. ආර්ථිකය ශක්තිමත් වෙයි. අපල අවම වීමට කුරුල්ලන්ට ආහාර දෙන්න.
•සුබ අංක – 1, 4 / සුබ වර්ණ – රතු / සුබ දවස් – ඉරිදා, අඟහරුවාදා
කන්‍යා – දරුවන්ගේ දක්ෂතා
සඳු ගමන් ගන්නේ 7, 8, 9, 10 යන භාවයන් මතිනි. වෙළඳ ව්‍යාපාර වෙනත් හවුල් ව්‍යාපාර දියුණුවට පත්වෙන සහ ලාභ ලබන තත්ත්වයක් පෙන්වයි. දරුවන්ගේ යහපත් අරමුණු ගෙදරදොර කටයුතුවලටද සුබඵල පමුණුවයි. විදෙස් ගමන් සපල වේ. සමාජ සුබ සාධනය සහ සාමාජීය පොදු වැඩවලට සහභාගිත්වය ගෙනදෙන සතුටින් ගෘහ ජීවිතය ගත කරන බව පෙනෙන්නට ඇත. අපල අවම වීමට කුඩා දරුවන්ට රැකවරණය සදන්න.
•සුබ අංක – 2, 3, 5 / සුබ වර්ණ – කොළ /සුබ දවස් – සිකුරාදා, බදාදා.
තුලා – ව්‍යාපාර ලාභ
සඳු ගමන් ගන්නේ 6, 7, 8, 9 යන භාවයන් මතිනි. ව්‍යාපාරවලින් ලාභ ප්‍රයෝජන ගත හැකි තත්ත්වයක් සතියේ මැද දක්නට ඇත. සතුරු කරදර අවම වේ. රැකියාවේදී ඇවිදිලි වැඩිවේ. ගෘහ ජීවිතයේ ගැටලු මග හරවාගෙන ගෙදරදොර අතපසු වු වැඩ යළි ආරම්භ කර ගැනීමට උනන්දු වේ. සතිය අවසානයේ විදෙස් ගමන්වලට ඉඩ ඇත. පොදු වැඩ නිසා ප්‍රසිද්ධිය ලබයි. අපල අවම වීමට කුසගින්නේ සිටින අයෙකුට ආහාර වේලක් දෙන්න.
•සුබ අංක – 6, 9 / සුබ වර්ණ – ලා නිල්, ක්‍රීම් / සුබ දවස් – බදාදා, සිකුරාදා.
වෘශ්චික – දරුවන්ගේ කටයුතු යහපත් වේ
සඳු ගමන් ගන්නේ 5, 6, 7, 8 යන භාවයන් හරහාය. දුවා දරුවන්ගේ අධ්‍යාපනය විවාහය වැනි තත්ත්වයන්වල සුබවාදී බවක් පෙන්නුම් කරයි. ඒ අයගේ දැනුම වර්ධනය වේ. ප්‍රමාද විවාහවලට මංගල යෝජනා ලැබෙයි. ගෘහ ජිවිතය තුළ යම් යම් කරුණු මුල් කරගෙන මත බේද තිබුණේ නම් ඒවා දුරු වී සහනය සැලසෙයි. ආර්ථිකය යහපත්ය.
අපල අවම වීමට අක්ෂි රෝගීන්ට උදව් කරන්න.
•සුබ අංක – 2, 4 / සුබ වර්ණ – රතු / සුබ දවස් – ඉරිදා, අඟහරුවාදා.
ධනු – ගෘහ ජීවිතය සතුටින් ගෙවෙයි
ගෘහ ජීවිතයේ අඩුපාඩු මග හැරී යයි. දේපළ ඉඩ කඩම් ගැටලු තිබුණේ නම් ඒවාද සමනයකට පත්වී යහපත් තීන්දු තීරණ ගැනීමට හැකිවේ. පවුලේ අයගේ බැදීම් වර්ධනය වෙන සමගිය ඇති කරන සතියකි. වෙළඳ ව්‍යාපාරවලින් ලාභ ප්‍රයෝජන ගෙන දෙයි. අධ්‍යාපනය ලබන දරුවනට දැනුම වැඩි දියුණු වේ.
අපල අවම වීමට බෝමළුව අමදින්න.
•සුබ අංක – 3, 5 / සුබ වර්ණ – කහ / සුබ දවස් – ඉරිදා, බදාදා.
මකර – යහපත් සතියකි
සඳු ගමන් ගන්නේ 3, 4, 5, 6 යන භාවයන් මතිනි. සහෝදර සබඳතා වර්ධනය කෙරෙන මේ සතියේ පවුලේ අය සියලු දෙනා එකමුතු වේ. තීන්දු තීරණවලට බසියි. ගැටලු විසඳා ගනියි. බොහෝ යහපත් අරමුණු සපල වීමේ භාග්‍ය ඇත. රැකියා ව්‍යාපාර දියුණුව ලබයි. අපල අවම කර ගැනීමට උදේ සවස බුදුන් වැඳීම වුවද ප්‍රමාණවක් වේ.
•සුබ අංක – 6, 8 / සුබ වර්ණ – නිල් / සුබ දවස් – සිකුරාදා, සෙනසුරාදා.
කුම්භ – අතමිට මිල මුදල් ගැවසේ
සඳු ගමන් ගන්නේ දෙවෙනි භාවයේ සිට බැවින් ඔබ අතට මිල මුදල් ලැබීමේ භාග්‍ය පවතී. උනන්දුවෙන් යුතුව කරන කියන රැකී රක්ෂා දියුණු කර ගැනීමට හැකි සතියකි. අතපසු වු වැඩ අවසන් කර ගැනීමට මෙන්ම දෙමාපිය සහයෝගයෙන් අනාගතය පිළිබඳව යම් කතිකාවතක් ගොඩනඟා ගැනීමට ද හැකිවේ. අපල අවම වීමට රෝගීන්ට සලකන්න.
•සුබ අංක – 8, 9 / සුබ වර්ණ – නිල් / සුබ දවස – සිකුරාදා.
මීන – පොදු වැඩවල නියැළෙයි
සඳු ගමන් ගන්නේ ලග්නය දෙවැන්න සහ 3, 4 යන භාවයන් මතිනි. ඔබ පොදු සමාජශීලී කටයුතු මෙන්ම පුණ්‍ය කටයුතුවලටද දායකත්වය ඇතිව කල් ගෙවන සතියක් වේ. ප්‍රසිද්ධිය ගෙන දෙන වැඩවලද නියැලේ. වචන හුමමාරුවේදී ප්‍රවේශම් වීම ඔබේ යහපතට හේතු වේ. මිල මුදල් ආර්ථිකය සවිමත් වේ. අපල අවම වීමට බෝ පත්‍ර අතින් අහුලා දමන්න.
•සුබ අංක – 3, 9 / සුබ වර්ණ – කහ / සුබ දවස් – බ්‍රහස්පතින්දා, අඟහරුවාදා
