මොරටුව විශ්වවිද්‍යාල වෛද්‍ය පීඨ සිසුන්ගේ අධ්‍යාපන ගුණාත්මකත්වය සහ සායනික පුහුණුව වැඩිදියුණු කිරීම සඳහා කළුතර, නාගොඩ ශික්ෂණ රෝහලේ මහාචාර්ය ඒකකයක් ස්ථාපිත කිරීමට සෞඛ්‍ය හා ජනමාධ්‍ය ඇමැති සහ කළුතර දිස්ත්‍රික් සංවර්ධන කටයුතු සභාපති වෛද්‍ය නලින්ද ජයතිස්සගේ මූලිකත්වයෙන් රැස්වූ එම සංවර්ධන කමිටුව විසින් තීරණය කර ඇත.
මීට අමතරව කළුතර ජාතික සෞඛ්‍ය විද්‍යායතනයේ පුස්තකාලය ඩිජිටල්කරණයට මෙන්ම කළුතර ජාතික සෞඛ්‍ය විද්‍යායතනය මඟින් වසරකට සෞඛ්‍ය වෘත්තිකයන් 1000කට අධික පිරිසක් පුහුණු කිරීමේ සැලැස්මක් ක්‍රියාත්මක කිරීමටද තීරණය වී තිබේ.
අනාගත වෛද්‍යවරුන්ට හා සෞඛ්‍ය වෘත්තිකයන්ට උසස් අධ්‍යාපනයක් සහ පුහුණුවක් ලබාදීම සඳහා කළුතර ප්‍රදේශය සෞඛ්‍ය අධ්‍යාපනයේ කේන්ද්‍රස්ථානයක් බවට පත්කිරීම මේ සැලසුම් ක්‍රියාත්මක කිරීමේ අරමුණ වී තිබේ.
නෙත්මි පූජනී රත්නායක