බ්‍රවුන්ස් ටැෆේ ඩයිනා ට්‍රැක් ට්‍රැක්ටරය සහ සුමෝ යන්ත්‍රය වෙළෙඳපොළට

දැයේ ගොවි ජනතාව ශක්තිමත් කරමින් පෙර අස්වනු සහ පසු අස්වනු නෙළීමේ ක්‍රියාවලීන් කාර්යක්ෂම කරන අති නවීන තාක්ෂණය මුසු කළ යන්ත්‍රෝපකරණ හා නවෝත්පාදන පෙළක් ඉදිරිපත් කරන බ්‍රවුන්ස් කෘෂි අංශය විසින් සිය නවතම ටැෆේ ඩයිනා ට්‍රැක් ට්‍රැක්ටරය සහ බ්‍රවුන්ස් සුමෝ ස්වයංක්‍රීය වී කෙටීමේ යන්ත්‍රය පසුගිය දා හඳුන්වා දෙන ලදි. ඒ සඳහා බ්‍රවුන්ස් සමූහය හා LOLC සමූහය නියෝජනය කරමින් බ්‍රවුන්ස් කෘෂිකාර්මික සහ බර යන්ත්‍රෝපකරණ අංශ ප්‍රධාන මෙහෙයුම් නිලධාරී සහ බ්‍රවුන්ස් ඇග්‍රි සොලූෂන්ස් ප්‍රධාන විධායක නිලධාරී සංජය නිශ්ශංක, බ්‍රවුන්ස් ඇග්‍රි සොලුෂන්ස් ප්‍රධාන මෙහෙයුම් නිලධාරි ශාමල් අබේසිංහ, Tractor and Farm Equipment Limited, India නියෝජ්‍ය සාමාන්‍යාධිකාරී (අපනයන) සජී වර්ගීස්, නියෝජ්‍ය සාමාන්‍යාධිකාරි (කෘෂිකාර්මික සහ බර යන්ත්‍රෝපකරණ අංශය) නියාස් අහමඩ් සහ ව්‍යාපාර සංවර්ධන සහ මෙහෙයුම් අංශයේ අංශ ප්‍රධානී අනුරාධ නන්දසිරි මහත්වරු එක් වූහ.