මෙරට පළමු ‘ජල බැටරිය’ මහඔයෙන්

සූර්ය බලය උපයෝගි කරගෙන ජල විදුලි බලය උත්පාදනය කරන මෙරට ප්‍රථම ‘ජල බැටරිය’ ව්‍යාපෘතිය වන මහඔය ජල විදුලි ව්‍යාපෘතිය ආරම්භ කිරීමට අවශ්‍ය කටයුතු සලසා ඇතැයි විදුලි බල මණ්ඩලයේ ප්‍රධාන ඉංජිනේරු (කැලණිතිස්ස සංයුක්ත චක්‍රීය මූලස්ථානය) ධම්මික විමලරත්න සිළුමිණට පැවසීය.

අරණායක හා නාවලපිටිය යා කරමින් මහඔය ව්‍යාපෘතිය යටතේ කි.මී. 2.5කින් යුක්ත උමඟක් මඟින් විදුලි ගබඩා 3කින් මෙගාවොට් 200 බැගින් මෙගාවොට් 600ක විදුලි බලයක් මෙහිදී නිපදවනු ලැබේ.

එහිදී දිවා කාලයේදී සූර්ය බලයෙන් විදුලිය ගබඩා කර, ඒ විදුලියෙන් රාත්‍රියේදී පහළ ජලාශයේ ඇති ජලය ඉහළට ගෙන ගොස් ඒ ජලය යළිත් පහළ ජලාශයට යොමු කර, විදුලිය බලය නිපදවීමට සැලසුම් කරන බව විමලරත්න මහතා ප්‍රකාශ කළේය. මේ ව්‍යාපෘතියෙන් විදුලිය බලය නිපදවීම 2032/ 2033 වසරේ ආරම්භ කරන බවද ඔහු පෙන්වා දුන්නේය.