ශ්‍රී ලංකාවේ මාධ්‍ය ක්ෂේත්‍රය ශක්තිමත් කිරීමට Mark and Comm හි ඇති කැප වීම යළි තහවුරු කරමින්, එහි කළමනාකාර අධ්‍යක්ෂ තන්සිල් තාජුඩීන් මහතා පසුගියදා සෞඛ්‍ය හා ජනමාධ්‍ය අමාත්‍ය වෛද්‍ය නලින්ද ජයතිස්ස මහතා හට ශ්‍රී ලංකාවේ පුවත්පත් කලාවේ වත්මන් තත්ත්වය පිළිබඳ සවිස්තර වාර්තාවක් ඉදිරිපත් කරමින් එහි වැදගත් කරුණු කිහිපයක් පිළිබඳ සාකච්ඡා කළේය.
මේ වාර්තාව මඟින් භාෂා ත්‍රිත්වය තුළ විවිධ මාධ්‍ය හරහා මාධ්‍ය වෘත්තිකයන්ගේ දර්ශනය සහ ඔවුන් උත්සුක වන කරුණු පිළිබිඹු කරන අතර, වඩාත් ශක්තිමත් සහ ප්‍රගතිශීලි ක්ෂේත්‍රයක් පෝෂණය කිරීමේ අවස්ථා ඉස්මතු කරයි. Mark and Comm මීට පෙරද ජනමාධ්‍ය අමාත්‍යාංශය සහ අනෙකුත් ප්‍රධාන පාර්ශ්වකරුවන් සමඟ ක්ෂේත්‍රයේ වැඩිදියුණු කිරීමේ කටයුතුවල නියැළී තිබේ. මේ සාකච්ඡා මඟින් රාජ්‍ය අංශයේ වෘත්තිකයන් අතර මහජන සම්බන්ධතා සහ සන්නිවේදනය පිළිබඳ දැනුම්වත් කිරීම ඇතුළුව, මාධ්‍යවේදීන් සහ මාධ්‍ය සංවිධාන සංවර්ධනයට බලගැන්වීම සඳහා ශක්‍යතා ගොඩනැඟීම, වෘත්තීය සංවර්ධනය සහ තිරසර විසඳුම් කෙරෙහි අවධානය යොමු කර ඇත.
