37
බෞද්ධ කලාවට නව මානයක් එක් කළ ජගත් පූජිත කලාකරුවකු හා ශ්‍රේෂ්ඨ ධර්මදූතයකු වූ කලාසූරි මාපලගම විපුලසාර නාහිමියන්ගේ ජන්ම ශත සංවත්සරය නිමිත්තෙන් සමරු උත්සවයක් අද (2) ප.ව. 3ට රත්මලානේ පරමධම්ම චේතිය පිරිවෙනේදී පැවැත්වේ. මෙහිදී සම්මානිත මහාචාර්ය දයා අමරසේකර විසින් සමරු දෙසුමක් පවත්වනු ලබන අතර, ‘විපුලසාර ජන්ම ශතාබ්ද පූර්ති’ පුස්තිකාවද එළිදැක්වේ.
මේ නිමිති කරගෙන පැවත්වෙන අනුස්මරණ වැඩසටහන් ගණනාවක් මාර්තු මාසය පුරා පැවැත්වෙන අතර, පරමධම්ම චේතිය විහාරාධිපති, පරිවේණාධිපති, අධ්‍යක්ෂ, ශ්‍රී කල්‍යාණි සාමග්‍රි ධර්ම මහා සංඝ සභාවේ නියෝජ්‍ය ලේඛකාධිකාරි, ලෝක බෞද්ධ මහා සම්මේලනයේ ප්‍රධාන ලේකම්, ආචාර්ය මාඉටිපේ විමලසාර නාහිමියන්ගේ උපදේශකත්වයෙන් මේ කටයුතු සංවිධානය කෙරේ.
