මෙරට විදුලි පාරිභෝගිකයන්ගෙන් විදුලි සම්බන්ධතා ලබාගැනීමේදී අය කරනු ලබන තැන්පතු මුදල සඳහා වාර්ෂික පොලියක් පිරිනැමීමට පියවර ගන්නා ලෙස ශ්‍රේෂ්ඨාධිකරණය විසින් ලංකා විදුලි බල මණ්ඩලයට පසුගිය සිකුරාදා (28) නියෝග කළේය.
විදුලි බල හා පුනර්ජනනීය පාරිභෝගික සංගමය විසින් ගොනු කළ මූලික අයිතිවාසිකම් පෙත්සමක තීන්දුව දෙමින්, එස්. තුරෙයිරාජා, සෝභිත රාජකරුණ සහ මේනකා විජේසුන්දර යන ත්‍රිපුද්ගල ශ්‍රේෂ්ඨාධිකරණ විනිසුරු මඬුල්ල විසින් ඒ තීන්දුව පසුගිය සිකුරාදා ප්‍රකාශ කරන ලදි.
පසුගිය වසරේ ජනවාරි මස 30 වැනිදා අධිකරණය හමුවේ කරුණු දක්වමින් ලංකා විදුලිබල මණ්ඩලය සඳහන් කර තිබුණේ 2023 වසරේ ජනවාරි 01 වැනිදා සිට 2023 වසරේ දෙසැම්බර් 31 දින දක්වා කාලසීමාවට ශ්‍රී ලංකා මහ බැංකුව විසින් අනුමත කර ඇති 11.67%ක වාර්ෂික පොලිය විදුලි පාරිභෝගිකයන්ට ගෙවීමට තීරණය කර ඇති බවයි.
විදුලිබල හා බලශක්ති අමාත්‍යවරයා, අමාත්‍යාංශ ලේකම්, නීතිපති, මහජන උපයෝගිතා කොමිසම මෙහි වගඋත්තරුවන් ලෙස නම් කර තිබිණි.
