26
ශ්‍රී ලංකා ගුවන් හමුදාවේ 74 වන සංවත්සරය අද (2) ගුවන් හමුදාපති එයාර් මාර්ෂල් බන්දු එදිරිසිංහගේ ප්‍රධානත්වයෙන් ශ්‍රී ලංකා ගුවන් හමුදා මුලස්ථානයේදී අභිමානවත් අයුරින් සැමරීමට කටයුතු සංවිධානය කර ඇත. ශ්‍රී ලංකා ගුවන් හමුදාව 1951 මාර්තු 2 දින ‘රාජකීය ලංකා ගුවන් හමුදාව’ වශයෙන් ස්ථාපිත කරනු ලැබූ අතර, ශ්‍රී ලංකාව ජනරජයක් බවට පත්වීමෙන් අනතුරුව 1972 මැයි 22 දින ‘ශ්‍රී ලංකා ගුවන් හමුදාව’ ලෙස නම් කෙරිණි. ‘සුරකිමු ලකඹර’ යන උද්ධෘත පාඨය පෙරදැරි කර ගනිමින් පුරා වසර 74ක් තම මෙහෙවර මවුබිම වෙනුවෙන් නිසි අයුරින් ඉටු කිරීමට ශ්‍රී ලංකා ගුවන් හමුදාවට හැකි විය.
