වසර 10කට ආසන්න කාලයකට පසුව දුම්රිය රියැදුරන් බඳවාගැනීමට දුම්රිය දෙපාර්තමේන්තුවට අනුමැතිය ලැබී ඇත. ඒ අනුව නව දුම්රිය රියැදුරන් 140ක් බඳවාගැනීමට කටයුතු කෙරෙනු ඇත. අපොස උසස් පෙළ සංයුක්ත ගණිත අංශයෙන් සමත් NVQ හා තාක්ෂණ ඩිප්ලෝමාවක් ඇති අයට මේ සඳහා ඉල්ලුම් කළ හැකිය.
ඉල්ලුම්පත් භාර ගැනීමේ අවසන් දිනය මාර්තු 28 වැනිදා වන අතර පසුගිය පෙබරවාරි 28 වැනිදා ගැසට් පත්‍රයේ අදාළ සියලු විස්තර දක්වා ඇත.
දුම්රිය ප්‍රධාන ධාවනාගාර 4ක් යටතේ දුම්රිය රියැදුරන් වර්ගීකරණය කර ඇති අතර, දෙමටගොඩ පිහිටි දුම්රිය ධාවනාගාරය, ජලශක්ති ධාවනාගාරය, බලවේග කට්ටල ධාවනාගාරය, මරදාන දුම්රිය ස්ථානයට යාබදව ඇති විදුලි දුම්රිය එන්ජින් ධාවනාගරය, විදත් බලවේග කට්ටල ධාවනාගරය වශයෙන් රියැදුරන් අංශ 5ක් යටතේ වර්ගීකරණය කර තිබේ.
සමස්ත දුම්රිය සේවය වෙනුවෙන් රියැදුරන් 458ක් සේවයේ සිටිය යුතු නමුත්, මේ වන විට දුම්රිය සේවයේ යෙදී සිටින්නේ දුම්රිය රියදුරන් 246ක් පමණි. ඒ අනුව දුම්රිය රියැදුරන් 72කගේ තවත් අඩුවක් පවතී.
