නීති විරෝධී ගිනිඅවි සහ අත්බෝම්බ අත්අඩංගුවට ගැනීමේදී පොලිස් නිලධාරීන් සහ පෞද්ගලික ඔත්තුකරුවන් දිරිගැන්වීමට පොලිස් ත්‍යාග අරමුදලින් පිරිනමන තෑගි මුදල් වැඩි කිරීමට පොලිස් මූලස්ථානය පියවර ගෙන තිබේ.
ඒ අනුව සැකකරුවකු සමඟ ගිනිඅවි සහ අත්බෝම්බ අත්අඩංගුවට ගැනීමේදී පොලිස් නිලධාරියාට රු. 1,000,000ක මුදලක් සහ පෞද්ගලික ඔත්තුකරුට රුපියල් 750,000ක්ද සැකකරුවකු නොමැතිව අත්අඩංගුවට ගන්නා ගිනිඅවි සහ අත්බෝම්බ සඳහා පොලිස් නිලධාරියාට රු. 750,000ක් සහ පෞද්ගලික ඔත්තුකරුවන් සඳහා රු. 500,000ක්ද ලෙස ත්‍යාග මුදල් වැඩි කර ඇති බව සඳහන් වේ.
එලෙස පිස්තෝල, රිවෝල්වර, විදේශයන්හි නිපැයූ ස්වයංක්‍රීය නොවන අවි, රිපීටර් තුවක්කු, විදේශීය නිෂ්පාදිත පතරොම් තුවක්කු, මෙරට නිෂ්පාදිත වෙනත් ඕනෑම තුවක්කු, විදේශීය නිෂ්පාදිත අත්බෝම්බ අත්අඩංගුවට ගැනීමේදී පොලිස් නිලධාරීන්ට සහ පෞද්ගලික ඔත්තුකරුවන්ට පිරිනමන තෑගි මුදල් වැඩි කිරීමට පියවර ගන්නා බව පොලිස් මූලස්ථානය සඳහන් කරයි.
