CEMS-Global USA ආයතනය 12 වැනි වරටත් පවත්වන ‘අන්තර්ජාතික රෙදිපිළි සහ ඇඟලුම් තාක්ෂණ ප්‍රදර්ශනය 2025’, අන්තර්ජාතික නූල්, රෙදි, සැරසිලි සහ උපාංග නිෂ්පාදකයන්ගේ සහභාගිත්වයෙන් 14 වැනි වරටත් පවත්වනු ලබන ‘කොළඹ අන්තර්ජාතික නූල් සහ රෙදි ප්‍රදර්ශනය 2025’ සහ 47 වැනි වරට පවත්වනු ලබන වර්ණක සහ විශේෂිත රසායන හඳුන්වා දෙන ‘ඩයි+කෙම් ශ්‍රී ලංකා 2025’ යන අන්තර්ජාතික ප්‍රදර්ශනය යන ප්‍රදර්ශන ත්‍රිත්වය පැවැත්වීමට කටයුතු සංවිධානය කර ඇත. මේ ප්‍රදර්ශන 2025 මාර්තු 13 සිට 15 දක්වා, ශ්‍රී ලංකා ප්‍රදර්ශන හා සම්මේලන මධ්‍යස්ථානයේදී (SLECC), පෙ.ව.10.00 සිට ප.ව. 6.00 දක්වා පැවැත්වෙන අතර, එය ශ්‍රී ලංකාවේ සමස්ත රෙදිපිළි සහ ඇඟලුම් කර්මාන්තයටම වඩා වැදගත් සන්ධිස්ථානයක් වනු ඇත. CEMS-Global USA ආයතනයේ රෙදිපිළි ප්‍රදර්ශන මාලාව වාර්ෂිකව බංග්ලාදේශය, බ්‍රසීලය, මොරොක්කෝව, ශ්‍රී ලංකාව සහ තායිලන්තය යන රටවල පවත්වනු ලැබේ.
ඡායාරූපය – විමල් කරුණාතිලක
