ඩෙන්ටා, සුන්දර සිනාවක් සහිත පරපුරක් වෙනුවෙන් කැප වෙයි

දශක 3කට අධික කාලයක් ශ්‍රී ලාංකිකයන්ගේ මුඛ සෞඛ්‍යය වෙනුවෙන් කැප වන ‘ඩෙන්ටා’ සිය සුවිශේෂ ‘වැඩෙන සිනහවට ඩෙන්ටල් සත්කාරය’ වැඩසටහන සමඟ දන්ත සෞඛ්‍යයේ වැදගත්කම පිළිබඳ පාසල් සිසුන් දැනුවත් කිරීමට පියවර ගනු ලැබීය. මුඛ සෞඛ්‍ය පිළිබඳ පාසල් දරුවන් දැනුවත් කිරීමේ හා නොමිලයේ දන්ත සායන පැවැත්වීමේ අරමුණින් 2023 වසරේ අගෝස්තු මාසයේදී එම වැඩසටහන ආරම්භ කෙරිණි. මේ පිළිබඳ, ඩාර්ලි බට්ලර් සහ සමාගමේ පුද්ගල ආරක්ෂණ පිළිබඳ ප්‍රධාන විධායක නිලධාරී ගංෆාර් ගවුස්, “සුන්දර සිනාවකට ජීවිත වෙනස් කිරීමේ හැකියාවක් පවතින බව නිරන්තරයෙන් විශ්වාස කරන අප මෙරට පාසල් දරුවන් තුළ මුඛ සෞඛ්‍ය පිළිබඳ දැනුවත්භාවය ඉහළ නැංවීම හා යහපත් මුඛ සෞඛ්‍යයක් පවත්වා ගෙන යෑම සඳහා ඔවුන් දිරි ගැන්වීමට කටයුතු කර තිබෙනවා…” යැයි පැවසීය.