93
මෙරට ක්‍රියාත්මක අන්තර්ජාතික ගමනාන්ත අඩු මිල ගුවන් සේවාවක් වන ‘ෆිට්ස් එයාර්’ ලබන අප්‍රේල් මස සිට මැලේසියාවේ ක්වාලාලම්පූර් දක්වා ගුවන් සේවා ආරම්භ කරන බව නිවේදනය කර තිබේ.
අඩු මිල අන්තර්ජාතික ගුවන් සේවාවක් ලෙස වසර දෙකකට පමණ පෙර මෙරට සේවාවන්ට එකතු වූ ෆිට්ස් එයාර් ගුවන් ගමන් මේ වන විට කොළඹ සිට ඉන්දියාවේ චෙන්නායි, ඩුබායි හා මාලදිවයින දක්වා සේවා පවත්වයි. මැලේසියාව දක්වා ගුවන් ගමන් ඇරඹීමෙන් පසු මේ ගුවන් සේවය තවත් ජනප්‍රිය වනු ඇති බවට ෆිට්ස් එයාර් ගුවන් සේවා සමාගම දන්වා සිටී.
