59
ඉදිරි පළාත් පාලන මැතිවරණය සඳහා එක් පෙරමුණක් ලෙස තරග කිරීම සඳහා එක්සත් ජාතික පක්ෂය සමඟ පැවැත්වූ සාකච්ඡා අසාර්ථක වීමෙන් පසු දුරකතනය ලකුණින්ම සියලු පළාත් පාලන ආයතන සඳහා අපේක්ෂකයන් ඉදිරිපත් කිරීමට සමඟි ජන බලවේගය තීරණය කර තිබේ.
මේ පිළිබඳව ‘සිළුමිණ‘ කළ විමසීමකදී පිළිතුරු දුන් සමඟි ජන බලවේගයේ ජාතික සංවිධායක තිස්ස අත්තනායක පැවසුවේ එක්සත් ජාතික පක්ෂය සමඟ පැවැති සාකච්ඡාවලදී පළාත් පාලන මැතිවරණය සඳහා එක්ව තරග කිරීම පිළිබඳ නිශ්චිත තීන්දුවක් ගැනීමට නොහැකි වූ බවයි. මේ අතර පසුගිය ජනාධිපතිවරණය අවස්ථාවේදී එක්සත් ජාතික පක්ෂ නායකයා වෙනුවෙන් සහයෝගය දැක්වූ එක්සත් ජාතික පාක්ෂිකයන් විශාල පිරිසක් මෙවර පළාත් පාලන මැතිවරණයේදී සමඟි ජන බලවේගය වෙත සහය දැක්වීමට ස්වේච්ඡාවෙන්ම ඉදිරිපත් වී ඇති බවද අත්තනායක මහතා වැඩිදුරටත් සඳහන් කළේය.
