33
ෆේස්බුක් ඇතුළු සමාජ මාධ්‍යයන්හි සංසරණය වන මහ බැංකු අධිපති ආචාර්ය නන්දලාල් වීරසිංහගේ රුව අනිසි ලෙස භාවිත කරමින් කෘත්‍රිම බුද්ධියෙන් නිර්මාණය කරන ලද වංචනික වීඩියෝව පිළිබඳ ශ්‍රී ලංකා මහ බැංකුව ජනතාවට අනතුරු අඟවයි.
ජනතාව නොමඟ යවන සුළු මේ වීඩියෝ මඟින් මහ බැංකු අධිපතිවරයා අසාමාන්‍ය මූල්‍ය ප්‍රතිලාභ දෙන බවට පොරොන්දු වන ආයෝජන යෝජනා ක්‍රම අනුමත කරන අයකු සේ ව්‍යාජ ලෙස හඳුන්වා දී තිබේ.
මාර්ගගත මූල්‍ය වංචා ගැන දැනුම නොමැති අය සතු මුදල් වංචනික ලෙස අත්පත් කරගැනීමේ අරමුණින් එම පුද්ගලයන් වෙනත් බාහිර පුද්ගලයන්ට යොමු කිරීම ද මෙකී වංචනිකයන් විසින් කටයුතු කර ඇති බව මහ බැංකුව සඳහන් කරයි.
