42
NDB බැංකුව සිරස News First සමඟ එක්ව ශ්‍රී ලාංකේය කාන්තාවන් ඇගැයීම සහ සවිබලගැන්වීම සඳහා කැපවූ ‘ශ්‍රී ලංකා වනිතාභිමාන’ සම්මාන උලෙළේ 5 වැනි අදියර දියත් කිරීම නිල වශයෙන් ඇරඹිණි. මෙවර අදියර විවිධ ක්ෂේත්‍ර හරහා විශිෂ්ටයන් ඇගැයීමට ලක් කරන පුළුල් සම්මාන ව්‍යූහයකින් සමන්විතය. පළාත් මට්ටමින්, කුඩා ව්‍යවසායිකාව, නැඟී එන ව්‍යවසායිකාව සහ ඩිජිටල් ව්‍යවසායිකාව (නව එකතු කිරීමකි) මෙන්ම, තරුණ නායකත්වය, කලා හා සාහිත්‍ය, සමාජ සේවා හා ක්‍රීඩා යන අංශ සඳහා සම්මාන හිමිවේ. ආයතනික අංශය ද සම්මාන දහයක් මඟින් ඇගැයීමට ලක් කෙරෙන අතර, අලුතින් හඳුන්වා දුන් විදේශ රැකියා කාණ්ඩය ඇතුළු තවත් කාණ්ඩ කිහිපයක් යටතේ සම්මාන පිරිනැමේ. ළඟම තිබෙන NDB බැංකු ශාඛාවෙන් අයදුම්පත් සහ වැඩිදුර විස්තර ලබාගත හැකිය.
