61
කොමර්ෂල් බැංකු සමූහය, කොළඹ කොටස් වෙළෙඳපොළ CSE) වෙත සිය වාර්ෂික මූල්‍ය ප්‍රකාශන ඉදිරිපත් කිරීමේදී 2024 වසර සඳහා ශක්තිමත් මූල්‍ය කාර්යසාධනයක් වාර්තා කර ඇත. හානි පූර්ණ ගාස්තු සහ අනෙකුත් පාඩු සඳහා විචක්ෂණශීලිව ප්‍රතිපාදන වෙන් කිරීම, ඵලදායි ශේෂපත්‍ර කළමනාකරණය සහ ණය දීමේ කටයුතුවල ශක්තිමත් වර්ධනය නිසා බැංකුව සතු වූ ශ්‍රී ලංකා අන්තර්ජාතික ස්වෛරීත්ව බැඳුම්කර (SLISB) ප්‍රතිව්‍යූහගතකරණයෙන් සිදු වූ පාඩුව දරා ගැනීමට හැකි වී ඇත.
වෙන වෙනම ගත් විට, සලකා බලන මූල්‍ය වසර සඳහා කොමර්ෂල් බැංකුවේ බදු ගෙවීමට පෙර ලාභය රු. බි. 95.53 ක් වූ අතර, ශුද්ධ ලාභය රුපියල් බිලියන 54.07ක් ලෙස වාර්තා කර ඇත. ඒ පිළිවෙළින් 199.67%ක් සහ 164.28%ක් වූ වර්ධන අගයන්වලිනි. සමාගමේ කොටසක මූලික ඉපැයීම රුපියල් 37.74 දක්වා ඉහළ ගොස් තිබේ.
