65
ශ්‍රී ලංකා ඉන්ෂුවරන්ස් ලයිෆ් (SLIC) දිවයින පුරා සිටින සිය ජීවිත රක්ෂණ ඔප්පු හිමියන්ගේ දරුවන් සඳහා 2014 වසරේදී ‘ශ්‍රී ලංකා ඉන්ෂුවරන්ස් ලයිෆ්’ සුබ පැතුම් ශිෂ්‍යත්ව වැඩසටහන ආරම්භ කරන ලදි. අද වන විට, මේ වැඩසටහන මඟින් ශිෂ්‍යත්ව 2,000කට අධික ප්‍රමාණයක් ප්‍රදානය කර ඇති අතර, එහි වටිනාකම රු.මි. 200 ඉක්මවයි. මේ වසරේදී සුබ පැතුම් ශිෂ්‍යත්ව වැඩසටහන මඟින් 2023 වසරේ 5 ශ්‍රේණිය ශිෂ්‍යත්වය, අ.පො.ස. සාමාන්‍ය පෙළ සහ අ.පො.ස. උසස් පෙළ විභාගවලට මුහුණ දුන්, ඉහළින්ම දක්ෂතා දැක්වූ සිසුන් 225කට ශිෂ්‍යත්ව ප්‍රදානය කෙරේ. මේ යටතේ එක් එක් විභාගයෙන් සිසුන් 75 බැගින් සුබ පැතුම් ශිෂ්‍යත්ව සඳහා තෝරාගනු ලබයි. අයදුම්පත් ඉදිරිපත් කිරීම SLIC Life වෙබ් අඩවිය හරහා මාර්තු 31 දක්වා විවෘත කර ඇත.
