සෝලා කර්මාන්තයට සාධාරණ ප්‍රතිපත්ති ක්‍රියාත්මක කරන්න

ශ්‍රී ලංකාවේ වහල මත සූර්ය බලශක්ති අංශයේ සමාගම් 1,000කට අධික සංඛ්‍යාවක් සහ සේවකයන් 40,000ක් නියෝජනය කරන සූර්ය බල කර්මාන්ත සංගමය (SIA), කර්මාන්තයේ අනාගතයට සහ ජාතියේ පුනර්ජනනීය බලශක්ති ඉලක්කවලට තර්ජනයක් වන මෑතකාලීන වර්ධනයන් දැඩි ලෙස හෙළාදකී.

හදිසි ඉල්ලීම් ලෙස, රජයෙන් සහ අදාළ බලධාරීන්ගෙන් ඔවුන් ඉල්ලා සිටින්නේ, 1. මෑත කාලීන විදුලිබල බිඳවැටීම සම්බන්ධයෙන් විනිවිද පෙනෙන සහ ස්වාධීන පරීක්ෂණයක් පැවැත්වීම, 2. තීරුබදු සංශෝධනවලදී වහල මත සූර්ය බලශක්තියේ පුළුල් ආර්ථික හා සමාජීය ප්‍රතිලාභ සලකා බලන්න, 3. දිගුකාලීන ආයෝජන සහතික කිරීම සඳහා ස්ථාවර සහ පුරෝකථනය කළ හැකි ප්‍රතිපත්ති රාමුවක් ස්ථාපිත කිරීම, 4. ශ්‍රී ලංකාවේ පුනර්ජනනීය බලශක්ති උපාය මාර්ගයේ තීරණාත්මක අංගයක් ලෙස වහල මත සූර්ය බලශක්තිය හඳුනා ගන්න යන ඉල්ලීම් කිහිපයකි.