19
Hemas Consumer Brands සාඩම්බර ශ්‍රී ලාංකේය සන්නාමයක් වන Diva, අන්තර්ජාතික කාන්තා දිනයට සමගාමිව Diva දෑතට දිරියක් ව්‍යවසායිකාවන් සඳහා Online වෙළෙඳපොළක් දියත් කිරීම පසුගියදා සිදු කෙරිණි. DIVA දැතට දිරියක් ව්‍යවසායකත්ව කුසලතා සංවර්ධන වැඩසටහන හරහා දිවයින පුරා සිටින ව්‍යවසායක කාන්තාවන් සවි බල ගන්වන අතර, මෙම Online වෙළෙඳපොළ යටතේ මේ වන විටත් වයඹ, මධ්‍යම, ඌව, උතුරු, දකුණු සහ උතුරු මැද යන පළාත් ඇතුළු ශ්‍රී ලංකාවේ පළාත් 6ක ව්‍යවසායක කාන්තාවන් 400කට අධික ප්‍රමාණයකගේ ජීවිත පරිවර්තනය කර ඇත. Women in Management ආයතනය (WIM) සමඟ එක්ව පවත්වනු ලැබූ පුළුල් පුහුණු සැසි හරහා මෙම ව්‍යවසායිකාවන්ට අවශ්‍ය ව්‍යවසායක කුසලතා, මූල්‍ය දැනුම සහ ඔවුන්ගේ ව්‍යාපාර වර්ධනයට අවශ්‍ය හැකියාව වැඩි දියුණු කිරීම ආදී දෑ පිළිබඳ දැනුම සහ කුසලතා ලබා දී තිබේ.
