ඩයලොග් ආසිආටා පීඑල්සී, 2025 මාර්තු 18 වැනිදා පැවති ස්ලිම් – කැන්ටාර් ජනතා සම්මාන උළෙලේදී ‘වසරේ සන්නිවේදන සන්නාමය’ ලෙස අඛණ්ඩව 14 වැනි වරටත් ජනතා අභිෂේකයට පාත්‍ර වූ අතර, “වසරේ සේවා සන්නාමය” ලෙස 4 වැනි වරටත් සම්මාන හිමි කරගනු ලැබීය.
වසර ගණනාවක් පුරා ශ්‍රි ලාංකිකයින් හා සවිමත්ව බැඳුණු ඩයලොග් සන්නාමය කෙරෙහි ජනතා විශ්වාසය පිළිබිඹු කෙරෙන මෙම සම්මාන මඟින්, ඩයලොග් වෙත පිදුණු සුවහසක් ශ්‍රී ලාංකික ජනතා මනාපය විද්‍යමාන වේ.
2007 වසරේ ස්ලිම්-කැන්ටාර් ජනතා සම්මාන උලෙළ ආරම්භ වූ දා සිටම, ශ්‍රී ලාංකීය ජනතාවගේ හදවත් හා බැඳුණු සන්නාම හඳුනා ගැනීමේ සංකේතයක් බවට එම සම්මාන පත්ව තිබේ. විනිශ්චය මණ්ඩලයක් මඟින් නොව, පුළුල් ජාතික පදනමකින් ජනතාවගේ මනාපය මත පදනම්ව ප්‍රදානය කරන මෙම සම්මාන මඟින් පාරිභෝගිකයින් සන්නාමය කෙරෙහි දක්වන මනාපය සැබෑ ලෙසම විදහා දැක්වෙන අතර, ශ්‍රී ලාංකීය ජනතාවගේ හදවත හා බැඳුණු සන්නාම හා පුද්ගලයින් සම්මාන මඟින් ගෞරව බහුමානයට පාත්‍ර කෙරේ. ඩයලොග් වෙත අඛණ්ඩව මෙම සම්මාන හිමිවීම තුළින් ශ්‍රී ලාංකීය ජන ජීවිත සමග විශ්වාසයෙන් මුල් බැස ගත් සබඳතාවයෙන් බැඳී ඔවුන් වෙත උසස්ම සේවාවක් පිරිනැමීමට පවතින කැපවීම අවධාරණය කෙරේ.
