38
එක්සත් ජාතීන්ගේ ආහාර හා කෘෂිකර්ම සංවිධානය (FAO) විසින් ජපාන රජයේ අරමුදල් ආධාරයෙන් ශ්‍රී ලංකා ජාතික ජලජීවී වගා සංවර්ධන අධිකාරිය (NAQDA) හා එක්ව ශ්‍රී ලංකාවේ මිරිදිය ධීවර කර්මාන්තය වැඩිදියුණු කිරීම සඳහා අමෙරිකානු ඩොලර් මිලියන 3ක අරමුදල් සැපයීමට කටයුතු යොදා ඇත.
ඒ යටතේ අම්පාර ඉඟිනියාගල පිහිටි ජලජීවී වගා සංවර්ධන මධ්‍යස්ථානයේ වැඩිදියුණු කරන ලද අභිජනනාගාරය විවෘත කළ අතර, සජීව මත්ස්‍ය පැටවුන් ප්‍රවාහනය සඳහා බවුසර් තුනක් නිල වශයෙන් භාර දෙන ලදි.
එමෙන්ම මේ ව්‍යාපෘතිය මඟින් තවත් NAQDA ජලජීවී වගා සංවර්ධන මධ්‍යස්ථාන තුනක් සහ දැනට ක්‍රියාත්මක ප්‍රජාව විසින් ක්‍රියාත්මක කරන කුඩා මත්ස්‍ය අභිජනන මධ්‍යස්ථානයක්ද ශක්තිමත් කෙරේ. ඒ අතරම මඩකලපුව, අනුරාධපුර සහ මොනරාගල යන ප්‍රදේශවල නව ප්‍රජාව විසින් ක්‍රියාත්මක කරනු ලබන කුඩා අභිජනන මධ්‍යස්ථාන තුනක්ද ස්ථාපිත කරනු ලැබේ.
