ජෙනරාල් ශ්‍රීමත් ජෝන් කොතලාවල ආරක්ෂක විශ්වවිද්‍යාලයේ (KDU) කළමනාකරණ, සමාජ විද්‍යා සහ මානව ශාස්ත්‍ර පීඨය විසින් සංවිධාන කරනු ලබන VISTA 2025 උපාධි අපේක්ෂක පර්යේෂණ සම්මන්ත්‍රණය 2025 අප්‍රේල් 8 වැනිදා එම විශ්වවිද්‍යාලයේ දී පැවැත්වේ. එය විශ්වවිද්‍යාල සිසුන් අතර අධ්‍යයන නවෝත්පාදන සහ අන්තර් විෂය සහයෝගීතාව ප්‍රවර්ධනය කිරීමේ අරමුණින් සංවිධාන කර ඇත.
මෙම වසරේ සම්මන්ත්‍රණය “නව තිරසාර උපාය මාර්ග හරහා ඩිජිටල්කරණය වූ ආර්ථිකයන් සහ සමාජයන් සක්‍රීය කිරීම” යන තේමාව යටතේ පැවැත්වේ. වේගවත් තාක්ෂණික දියුණුව සහ ගෝලීය අභියෝග හමුවේ අධ්‍යාපනයට ඇති කාර්යභාරය අවධාරණය කෙරෙමින් එය සංවිධාන කර තිබේ.
VISTA 2025, න්‍යාය සහ භාවිතය අතර පරතරය පියවන අතරම විචාරාත්මක සිතීම සහ දේශීය හා ගෝලීය ප්‍රජාවන් නැවත හැඩගැස්විය හැකි පරිවර්තනීය අදහස් ගවේෂණය කිරීම ද සම්මන්ත්‍රණයේ අරමුණු අතර වේ. ආර්ථික විද්‍යාව, කළමනාකරණය, සමාජ විද්‍යාව, මානව ශාස්ත්‍ර, තිරසරභාවය සහ ඩිජිටල් නවෝත්පාදනය වැනි විෂයයන් හරහා පර්යේෂණ පත්‍රිකා ඉදිරිපත් කිරීමට අවස්ථාව සලසා දී ඇත.
