මෙරට මෝටර් රථ ආනයනය නැවත ආරම්භ කිරීම පිළිබඳ උද්යෝගය තවත් තියුණු කරමින් KIA සන්නාමයේ නවතම SUV රථයක් ‘Sonet’ ශ්‍රී ලංකාවේ මෝටර් රථ ක්ෂේත්‍රයට කැපී පෙනෙන ලෙස එළිදක්වන ලදි. Kia සන්නාමය විසින් ශ්‍රී ලංකාවේ මෝටර් රථ වෙළෙඳපොළට හඳුන්වා දීමට නියමිත නව SUV මාදිලි 12 අතරින් පළමුවැන්න මෙය බව සමාගම පවසයි. මෙරටට මුල්වරට පැමිණෙන Sonet SUV රථවල සුවිශේෂී පෙර දැක්මකදී මාධ්‍ය අමතමින් Kia මෝටර්ස් (ලංකා) සමාගමේ සභාපති මහේන් තම්බයියා පැවසූයේ, “තම මාර්ගවල ආකර්ෂණීය නව මෝටර් රථ ධාවනය වනු දැකීමට ශ්‍රී ලාංකිකයින් හට බොහෝ කාලයක් සිට බලා සිටීමට සිදු වී ඇති අවධියක Sonet සැබවින් ම නැවුම් හුස්මක් වනු ඇත. Sonet හි ආක්‍රමණශීලී හා නවීන නිර්මිත භාෂාව, විනෝදයෙන් ධාවනය කිරීමට හැකි ලෙස නිර්මාණය කර ඇති මුහුණුවර, සහ Kia හි නවතම අධි තාක්ෂණික විශේෂාංග එයට මනා පිටිවහලක් වේ…” යනුවෙනි.
ජායාරූපය – සුලෝචන ගමගේ
