ASUS, Al තාක්ෂණය සහිත ලැප්ටොප් මාදිලි 3ක් එළි දක්වයි

තායිවානය පදනම් කර ගත් ලොව සුවිසල් තාක්ෂණික සමාගමක් වන ASUS, Al බලයෙන් ක්‍රියාත්මක ලැප්ටොප් පරිගණක 3ක් මෙරට පාරිභෝගිකයින් වෙත හඳුන්වා දෙමින් සිය නව්‍යකරණ විශිෂ්ටත්වය තවදුරටත් ඉදිරියට ගෙනයාමට පසුගියදා සමත් විය. ASUS, එසේ හඳුන්වා දෙනු ලැබුවේ Vivobook 14 Flip, Zenbook DUO සහ Zenbook 14 යන ලැප්ටොප් ත්‍රිත්වයයි. 2025 වසරේ එම සමාගම විසින් හඳුන්වා දෙනු ලැබූ පළමු නිෂ්පාදන පෙළ වන මෙහි විශේෂත්වය වන්නේ අන් කවරදාකටත් වඩා Al තාක්ෂණය භාවිත කිරීමේ හැකියාවයි. නවතම Intel® Corer™ Ultra Series ප්‍රොසෙසරවලින් බලගැන්වෙන මෙම ලැප්ටොප් 47 TOPS (Teraflops of Operation Per Second) සහිත NPU (Neural Processing Units) විශේෂාංගයන්ගෙන් සමන්විත ය.