ශ්‍රී ලංකාවේ බැංකු නොවන ප්‍රමුඛතම මූල්‍ය ආයතනයක් වන පීපල්ස් ලීසිං සමාගමේ ක්‍රීඩා හා සේවක සුභසාධක සංගමය 2025 මාර්තු 8 දිනට යෙදුණු ජාත්‍යන්තර කාන්තා දිනයට සමගාමීව විශේෂ සම්මන්ත්‍රණයක් සංවිධානය කර තිබිණි.
මෙම සම්මන්ත්‍රණයේ සම්පත් දායිකාව ලෙස කොළඹ ජාතික රෝහලේ සායනික පෝෂණය පිළිබඳ ජ්‍යෙෂ්ඨ රෙජිස්ටාර් වෛද්‍ය චතුරිකා බාලසූරිය සහභාගී වූ අතර ඇය විසින් කාර්ය බහුල, කාන්තාවන් සෞඛ්‍යමත් ජීවිතයක් ගෙන යා යුත්තේ කෙසේද යන්න පිළිබඳ දැනුවත් කෙරිණි.
එම සම්මන්ත්‍රණයට එක් වූ පීපල්ස් ලීසිං සමාගමේ ප්‍රධාන විධායක නිලධාරී/ සාමාන්‍යාධිකාරී සංජීව බණ්ඩාරනායක, කාන්තාවන් තම වෘත්තීය ජීවිතය හා පවුල් ජීවිතය සමබරව ගෙනයාම ඇගැයීමට ලක් කළ අතර කාන්තා ශ්‍රම බළකාය ආයතනය තුළ ගොඩනැංවීමේ වටිනාකම පිළිබඳ අදහස් පළ කළේය.
කාන්තාවන් හට සමානාත්මතාවයෙන් යුතුව සැලකීම හා ඔවුන් දිරිමත් කිරීම සදාචාරාත්මක වගකීමක් පමණක් ම නොව සාක්‍ෂරත්වයේ හා නවොත්පාදනයේ මූලික අඩිතාලම බවත්, පීපල්ස් ලීසිං සමාගමේ කාන්තාවන්ගේ කැපවීම කාන්තා දිනයේදී පමණක් නොව සැමදා අගය කරන බවත් ඔහු කියා සිටියේය.
