සිංගර් සමාගම විසින් නව්‍යකරණය සහ සුවපහසුව එක් කළ නවතම nubia ස්මාට් ජංගම දුරකතන පෙළ ශ්‍රී ලාංකේය පාරිභෝගිකයින් වෙත හඳුන්වා දී තිබේ. නවීන තාක්ෂණයෙන් හා සරල නිමාවකින් යුතු මෙම නවතම ස්මාට් ජංගම දුරකතන පෙළ පාරිභෝගිකයින්ට අසමසම අත්දැකීමක් ලබා දෙන විශේෂාංග රැසකින් සමන්විතය. මෙම නව නිෂ්පාදන අතරට nubia V70 series, nubia Music සහ nubia Neo gaming series ඇතුළත් වේ.
මේ පිළිබඳ සිංගර් සමූහ ව්‍යාපාරයේ ප්‍රධාන විධායක නිලධාරී මහේෂ් විජේවර්ධන සඳහන් කළේ, “nubia හි නව්‍යකරණය හා උසස් තාක්ෂණය මූලික කරගත් නවතම නිෂ්පාදන පෙළ ශ්‍රී ලංකාවට හඳුන්වා දීම අපගේ හවුල්කාරීත්වයේ විශිෂ්ටත්වයට කදිම සාක්ෂියක්. අප සතු පුළුල් බෙදාහැරීම් ජාලය හා විශිෂ්ටත්වය වෙනුවෙන් වූ කැපවීම සමඟ පාරිභෝගික ජීවන රටාවට මනාව ගැළපෙන ස්මාට් ජංගම දුරකතන අත්දැකීමක් මෙම නව නිෂ්පාදන පෙළින් ලබා දෙනු ඇතැයි මම විශ්වාස කරනවා…” යනුවෙනි.
