‘රාල කිතුල්’ වෙත හොඳම කුඩා කර්මාන්ත සන්නාම සම්මානය

කර්මාන්ත අමාත්‍යාංශය යටතේ කර්මාන්ත සංවර්ධන මණ්ඩලය (IDB) විසින් කොළඹදී පැවති විශිෂ්ට සම්මාන උලෙළේදී, A R Natural Exports Lanka (Pvt) Ltd සමාගමට අයත් සන්නාමයක් වන රාල කිතුල්, පොල්, කිතුල්, තන්තු සහ තල් ආශ්‍රිත නිෂ්පාදන සහ තන්තු ආශ්‍රිත කර්මාන්ත අංශයේ කුඩා පරිමාණයේ හොඳම ජාතික කර්මාන්ත සන්නාම සම්මානයෙන් පිදුම් ලැබීය.

රාල කිතුල්, අමෙරිකා එක්සත් ජනපදය, කැනඩාව, එක්සත් රාජධානිය, නවසීලන්තය, දකුණු කොරියාව, හොංකොං සහ ඔස්ට්‍රේලියාව ඇතුළු රටවල් අටක ශක්තිමත් සන්නාම පැවැත්මක් ස්ථාපිත කර ඇත. ගෝලීය වෙළෙඳපොළේ සිය ප්‍රවේශය පුළුල් කරමින් ශ්‍රී ලංකාවේ කිතුල් ආශ්‍රිත නිෂ්පාදනවල සත්‍යතාව සහ ගුණාත්මකභාවය පවත්වා ගැනීමට සමාගම කැපවී සිටී.