75
කැලණිය විශ්වවිද්‍යාලයේ ජනසන්නිවේදන අධ්‍යයන අංශයේ ආදි විද්‍යාර්ථින් වන ශාස්ත්‍රපති ගයාන් ඉද්දමල්ගොඩ සහ ශාස්ත්‍රපති ඉනෝකා මිණිපලඟ විසින් එම අධ්‍යයන අංශයට අත්‍යවශ්‍ය ව තිබූ සුහුරු පුවරුවක් (Smart Board) පසුගිය දා පරිත්‍යාග කරන ලදී.
කැලණිය විශ්වවිද්‍යාලයේ ජනසන්නිවේදන අධ්‍යයන අංශයේ ආදී විද්‍යාර්ථ සංසදයේ සුහද හමුවේදී මෙම පරිත්‍යාගය සිදුකෙරිණි. 1973 වසරේදී පිහිටුවන ලද කැලණිය විශ්වවිද්‍යාලයේ ජන සන්නිවේදන අධ්‍යයන අංශයෙන් විශේෂ, ගෞරව උපාධි ලබාගත් වර්තමානයේ විවිධ ක්ෂේත්‍ර නියෝජනය කරන පිරිසක් මේ අවස්ථාවට සහභාගී වූහ.
ඡායාරූපයේ දැක්වෙන්නේ ශාස්ත්‍රපති ගයාන් ඉද්දමල්ගොඩ මහතා සහ ශාස්ත්‍රපති ඉනෝකා මිණිපලඟ මහත්මිය විසින් එම සුහුරු පුවරුව කැලණිය විශ්වවිද්‍යාලයේ ජනසන්නිවේදන අධ්‍යයන අංශයේ අංශාධිපති ජ්‍යේෂ්ඨ කතිකාචාර්යය විජයානන්ද රූපසිංහ මහතාට පිළිගන්වන අවස්ථාව යි.
