Original Equipment ක්ෂේත්‍රයේ සියැට් කොටස 90% ඉක්මවයි

ශ්‍රී ලංකාවේ එකලස් කරන වාහනවල නිෂ්පාදකයා විසින් සපයන උපාංග (Original Equipment) ක්ෂේත්‍රයට පිවිස වසර හයක කාලය තුළ සියැට් කැලණි හෝල්ඩිංග්ස්, මෙරට එකලස් කරන වාහන සන්නාම 11ක් සඳහා සිය දායකත්වය ලබා දෙයි. ඒ අතරට SUV වාහන, මෝටර් රථ, බස් රථ, ලොරි, පිකප් ට්‍රක් රථ, යතුරුපැදි සහ ස්කූටර් අයත් වන බව සමාගම පවසයි. ශ්‍රී ලංකාවේ එකලස් කරන බස් රථ මාදිලි 16ක් සහ යතුරුපැදි මාදිලි පහක් ද ඇතුළුව වාහන මාදිලි 30ක් සඳහා සියැට් ටයර් සවි කරනු ලැබේ.

සියැට් කැලණි සමාගම දැනට දේශීය වාහන එකලස් කිරීමේ කර්මාන්තයට වාර්ෂිකව නිෂ්පාදකයා විසින් සපයන (OE) ටයර් 150,000කට වඩා සපයන අතර මේ තුළින් ශ්‍රී ලංකාවේ එකලස් කරන වාහනවලින් 90%කටත් වඩා ආවරණය කරයි.