169
ශ්‍රී ලංකාව තුළ ව්‍යාවසායකත්වය ප්‍රවර්ධනය කිරීම උදෙසා අබාන්ස් සමාගම විසින් ලංකා කර්මාන්ත සංවර්ධන මණ්ඩලය, කර්මාන්ත හා ව්‍යවසායකත්ව සංවර්ධන අමාත්‍යාංශය සහ අධ්‍යාපන අමාත්‍යාංශය සමඟ එක් වෙමින් දිවයිනේ පාසල් තුළ කර්මාන්ත ව්‍යවසායකත්ව කව ජාතික වැඩසටහන ආරම්භ කර ඇත. දැයේ සිසු පරපුර ව්‍යවසායකත්වයෙන් සවිබල ගන්වමින් රටේ ආර්ථික වර්ධනයට කැපී පෙනෙන දායකත්වයක් ලබා දීමට මෙමඟින් අපේක්‍ෂා කරයි.
මේ අනුව ශ්‍රී ලංකාවේ සිසු පරපුර අතර ව්‍යවසායකත්ව සංස්කෘතියක් සහ ව්‍යවසායකත්ව මානසිකත්වයක් උද්දීපනය කර ජාතික නිෂ්පාදනයට ක්‍රියාශීලීව සහ ඵලදායීව දායක වන ව්‍යවසායකත්ව පරපුරක් රටට දායාද කිරීම මෙම ව්‍යාපෘතියේ මූලික අරමුණයි. වසර 50කට අධික සාර්ථක ව්‍යාවසායකත්ව ඉතිහාසයක් හිමි අබාන්ස් සමාගම මෙහිදී කැපී පෙනෙන දායකත්වයක් සපයනු ලබයි.
