28
අනුරාධපුර, පලුගස්වැව ප්‍රාදේශීය ලේකම් කොට්ඨාසයට අයත් 599 මහරඹෑව තුලානයේ හල්මිල්ල වැවෙහි සොරොව්වේ බටය කැඩී යෑම හේතුවෙන් වතුර නොමැතිව ගොවීහු අසරණව සිටිති.
වැලි කොට්ට දමා තාවකාලිකව වතුර අපතේ යෑම වැළැක් වීමට පියවර ගත්තද එය සාර්ථක නොවන බව ගොවීහු පෙන්වා දෙති. මේ හේතුවෙන් එම වැව් ජලයෙන් වගා කරන කුඹුරු අක්කර 80ක් පමණ පුරන් වීමේ අවදානමකට ලක්ව ඇත. වසර ගණනාවක සිට මේ සම්බන්ධයෙන් වගකිව යුතු බලධාරීන් සියල්ලටම ලිඛිතව මේ පිළිබඳ දැනුවත් කළද මේ සම්බන්ධයෙන් මෙතෙක් කිසිදු ක්‍රියාමාර්ගයක් නොගත් බවට ගොවීහු මැසිවිලි නඟති. එබැවින් මෙම යල කන්නයට කුඹුරු වගා කරගත නොහැකිව ගොවීහු අසරණව සිටිති. කඩිනමින් මෙම සොරොව්ව පිළිසකර කර දෙන ලෙසට ගොවීහු බලධාරීන්ගෙන් ඉල්ලා සිටිති. lප්‍රියන්ත මහඋල්පත – මහරඹෑව
