‘සිතුවිලි සිත්තම්’ සඳහා නිර්මාණ භාර ගැනීම ඇරඹේ

මෙම වසරේ (2025) ලෝක ළමා දිනය සැමරීමට සමගාමීව ජාතික ළමා ආරක්ෂක අධිකාරිය විසින් සංවිධාන කරන “සිතුවිලි සිත්තම්” – 2025 ළමා අයිතිවාසිකම් සහ ළමා ආරක්ෂාව පිළිබඳ සමස්ත ලංකා චිත්‍ර, පෝස්ටර් සහ කාටූන් තරගය සඳහා නිර්මාණ භාර ගැනීම ආරම්භ වූ බව එම අධිකාරිය පවසයි.

පාසල් අංශය සහ විවෘත අංශය ලෙස මෙම තරඟ සඳහා නිර්මාණ ඉදිරිපත් කළ හැකි අතර ජයග්‍රාහකයින් සඳහා වටිනා ත්‍යාග හා සහතිකපත් පිරිනැමීමටද කටයුතු යොදා තිබේ.

“සිතුවිලි සිත්තම්” – 2025″ තරගාවලිය සඳහා 2025 මැයි 30 වැනිදා තෙක් නිර්මාණ ඉදිරිපත් කළ හැකි අතර මේ පිළිබඳව වැඩි විස්තර www.childprotection.gov.lk වෙබ් අඩවියට ප්‍රවේශ වී ලබා ගත හැකිය.

තරගාවලිය සඳහා ඉදිරිපත් කෙරෙන සියලු චිත්‍ර, පෝස්ටර් හා කාටුන් “සභාපති, ජාතික ළමා ආරක්ෂක අධිකාරිය, අංක 330, තලවතුගොඩ පාර, මාදිවෙල, ශ්‍රී ජයවර්ධනපුර යන ලිපිනයට යොමු කළ යුතු වේ.