36
රුසියාවේ හිටපු විපක්ෂ නායක ඇලෙක්සි නවල්නි සමඟ සබඳතා පැවැත්වූ රුසියානු මාධ්‍යවේදීන් සිවුදෙනකුට වසර පහකට අධික සිරදඬුවමක් නියම කිරීමට රුසියානු අධිකරණය කටයුතු කර තිබේ. හිටපු විපක්ෂ නායකවරයාගේ ‘දූෂණ විරෝධී සංවිධානය’ සමඟ සබඳතා පැවැත්වූ බව අනාවරණය වීමේ නාමයෙන් රුසියානු අධිකරණය ඔවුන්ට එසේ දඬුවම් නියම කිරීමට කටයුතු කර තිබේ.
රුසියානු බලධාරීන් විසින් අන්තවාදීන් ලෙස නම් කරන ලද එම දූෂණ විරෝධී කණ්ඩායම සමඟ සහයෝගයෙන් කටයුතු කිරීම සම්බන්ධයෙන් මොස්කව්හි නාගටින්ස්කි දිස්ත්‍රික් අධිකරණය විසින් ඇන්ටෝනිනා ෆෙවර්ස්කායා, කොන්ස්ටන්ටින් ගැබොව්, සර්ජි කරේලින් සහ ආටියොම්ක්රිගර් යන මාධ්‍යවේදීන් පසුගිය අඟහරුවාදා වැරදිකරුවන් බවට පත් කර ඇත.
