1.2K
වර්තමාන යුක්තිය මෙහෙයුම ක්‍රියාත්මක වුවත් දිනපතාම සිදුවන ඝාතන රැල්ලේ අඩුවක් වී නොමැති බවත් ඒ සම්බන්ධව වගකීම ආණ්ඩුව විසින් භාරගත යුතු බවත් සජබ පාර්ලිමේන්තු මන්ත්‍රී වෛද්‍ය කවින්ද ජයවර්ධන සිළුමිණට කීය.
‘‘මත්ද්‍රව්‍ය තුරන් කිරීම මේ අයගේ සැබෑ අරමුණ නම් සිදු විය යුත්තේ, මේ මත්ද්‍රව්‍ය ගෙන්වා බෙදාහරින පුද්ගලයන් අත් අඩංගුවට ගෙන නීතිය ක්‍රියාත්මක කිරීමයි. නමුත් මේ වන තෙක් එවන් එක් අයෙක් හෝ අත් අඩංගුවට ගෙන නීතිය හමුවට පමුණුවා නැහැ.
ඒ වගේම මේ ක්‍රියාවලිය තුළ දී සිදුවන ඝාතන පාතාලය විසින් කරනවද වෙනත් පාර්ශ්වයක් විසින් සිදු කරනවද කියන්න අප දන්නේ නැහැ. මේ වන විට දැවැන්ත ලෙස පාතාලය හිස ඔසවා තිබෙනවා. මහ දවාලේ වෙඩිතැබීම් සිදුවෙනවා. අද ජනතාව පාරේ යන්නේ මර බියෙන්.
රසික කොටුදුරගේ