වසරේ ජනතාවගේ පුද්ගලික බැංකුව කිරුළ යළි කොමර්ෂල් බැංකුවට

කොමර්ෂල් බැංකුව 2024 SLIM කැන්ටාර් ජනතා සම්මාන උලෙළේදී අඛණ්ඩව දෙවන වසරටත් වසරේ මහජනතාවගේ පුද්ගලික බැංකුව ලෙස කිරුළු පැලඳී ය.

ශ්‍රී ලංකා අලෙවිකරණ ආයතනය (SLIM) විසින් මෙම සම්මානය බැංකුව වෙත පිරිනමනු ලැබුවේ විවිධ අංශ හරහා පාරිභෝගික මනාපයන් තීරණය කිරීම සඳහා කළ සමීක්ෂණයක ප්‍රතිඵල මත ය.

ශ්‍රී ලංකාවේ කුඩා හා මධ්‍ය පරිමාණ ව්‍යවසාය (SME) අංශයට වැඩිම ණය සම්පාදනය කරන බැංකුව වන කොමර්ෂල් බැංකු සමූහය 2023 දෙසැම්බර් 31 අවසන් වූ වසර සඳහා රු. ට්‍රි. 2.656 ක වත්කම්, රු. ට්‍රිලියන 2.148 ක තැන්පතු, රුපියල් ට්‍රි. 1.296 ක ණය කළඹක් සහ රු. බි. 341.566 ක දළ ආදායමක් වාර්තා කරන ලදී.

මහජනතාව ගේ දෛනික ජීවිතයේදී බැංකුව ඉටුකරන කාර්යභාරයේ වැදගත්කම මහජනතාවගේ ඇගැයීමට ලක් වීම, විශාල සතුටක් බව බැංකුව පවසයි.