ව්‍යවසායකත්වයට විශාල බලපෑමක් ඇති කරන කෘත්‍රිම බුද්ධිය (Artificial Intelligence) ගෝලීය වශයෙන් ශීඝ්‍රයෙන් ව්‍යාප්ත වන යුගයක LankaGPT විසින් ‘සීගිරි AI’ මෙවලම හඳුන්වාදීමට සැලසුම් කර තිබේ. ‘සීගිරිය AI’ යනු ශ්‍රී ලාංකිකයන් විසින් දේශීය සහ විදේශීය පරිශීලකයන් වෙනුවෙන් නිර්මාණය කරන ලද ප්‍රථම GPT මෙවලම යි.
මේ පිළිබඳ LankaGPT සම නිර්මාතෘ සහ කළමනාකාර අධ්‍යක්ෂ ලසිත ගුණසිංහ මෙසේ සඳහන් කළේය. “ආර්ථික සහ සමාජයීය කටයුතු වැඩිදියුණු කිරීම සඳහා AI තාක්ෂණය ඔස්සේ ඉටු කළ හැකි කාර්යභාරය පිළිබඳ අපි LankaGPT හි දී අවබෝධ කර ගත්තා. එබැවින් නවෝත්පාදන මෙහෙයවීම, ප්‍රජාව සවිබල ගැන්වීම සහ තිරසර සංවර්ධනය පෝෂණය කිරීම සඳහා අපගේ දායකත්වය ලබා දීමේ පරමාර්ථය සහිතව අපි අධ්‍යාපන, කෘෂිකර්මාන්ත සහ සෞඛ්‍ය ක්ෂේත්‍ර සඳහා මෙම මෙවලම නොමිලේ ලබා දීමට කැප වී සිටිනවා. ‘සීගිරිය AI’ මෙවලම දියත් කිරීම රටක් ලෙස අප ලැබූ ජයග්‍රහණයක්…”
