1.1K
AIA ඉන්ෂුවරන්ස් ලංකා සමාගම, මෙවර වෙසක් මංගල්‍යයට සමගාමීව දියත් කරන ලද ‘පියවර පූජා’ වැඩසටහන සාර්ථකව නිම කරන ලද අතර, ජනතා සහභාගිත්වයෙන් ඒකාලෝකමත් කරන ලද ප්‍රථම ඩිජිටල් තොරණ පසු ගිය මැයි මස 23 සහ 24 කොළඹ වෙසක් කලාපය තුළදී ප්‍රදර්ශනය කෙරිණි.
සම්ප්‍රදාය සමඟ නව තාක්ෂණය මුසුකොට නිමවා තිබූ මෙම නව්‍ය වූ ඩිජිටල් තොරණ ආලෝකමත් කිරීමට ජනතාවට අවස්ථාව ලබා දී තිබූ අතර, එහිදී සෞඛ්‍යසම්පන්න ජීවන රටාවක් අනුගමනය කිරීම පිළිබඳ ප්‍රතිඥාවක්ද ලබා දෙමින් ඔවුන් ඊට සහභාගි වීම විශේෂත්වයකි.
මේ සඳහා 2000කට අධික පිරිසක් සහභාගි වූ අතර සුවතාව වෙනුවෙන් සතියකට අවම කි.මී. 8ක් ඇවිදීමට ඔවුන් ප්‍රතිඥා දී තිබිණි. එම සෑම ප්‍රතිඥාවක් සඳහාම AIA වෙතින් පරිත්‍යාගයක් HelpAge ලංකා වෙත බැර වන බැවින් එමඟින් උතුම් පුණ්‍යකර්මයකටද දායක වී ඇත.
