මේෂ – දරුවන්ගේ අධ්‍යාපනික ප්‍රගතිය
සඳු ගමන් ගන්නේ 8, 9, 10 යන භාවයන් හරහාය. ආරම්භක දිනයේ කනගාටුදායක පුවතක් කණවැකීමට ඉඩ තිබේ. මුල් දින දෙක ගැටලු සහගත වුවත් ඉන් පසු දින කීපය අයහපත් නොවේ. ගෘහ ජීවිතය සාමකාමී වන අතර ආර්ථිකය දරුවන්ගේ අධ්‍යාපනික ප්‍රගතිය ගෙන දෙයි. අපල අවම වීමට අක්ෂි රෝගීන්ට උදව් උපකාර කරන්න.
සුබ අංක – 8, 9 / සුබ වර්ණ – නිල් / සුබ දවස් – අඟහරුවාදා, බදාදා
වෘෂභ – වාසනාවන්ත සතියකි
සඳු ගමන් කරන්නේ 7, 8, 9 යන භාවයන් හරහාය. ව්‍යාපාර ලාභ හිමිවන අතර ඒවායේ යම් ගැටලුකාරී තත්ත්වයන්ද මතුවිය හැක. ඒ නිසා කරන කියන කටයුතු බුද්ධිමත්ව කළ යුතුය. සාමාජීය පොදු වැඩවලට පුණ්‍ය කටයුතුවලට සහභාගිත්වය ගෙන දෙයි. සතිය අවසානය සැනසිලිදායක වේ. සෞඛ්‍ය තත්ත්වය පිළිබඳ අවධානය යොමු කිරීමද වැදගත්ය.
අපල අවම වීමට වස් කාලය තුළ විහාරස්ථානය අවට බෝ මළුව ආදිය පිරිසිදු කරන්න.
සුබ අංක – 5, 6 / සුබ වර්ණ – කොළ, සුදු / සුබ දවස් – බදාදා, සෙනසුරාදා.
මිථුන – වෙළඳ ව්‍යාපාරවලින් ලාභ
සඳු ගමන් ගන්නේ 6, 7, 8 යන භාවයන් හරහාය. රැකියා වෙළඳ ව්‍යාපාර ආදියෙන් ආදායම ලබන්නට හැකි සතියකි. කලණ මිතුරන් හමු විය හැක. පොදු සාමාජීය වැඩවලට යොමුවන ගෘහ ජීවිතය සමගියෙන් ගෙවන සහ දරුවන්ගේ සියලු යහපත් බලාපොරොත්තුවලට සුබවාදී බවක් දක්නට ලැබෙයි. සෙම් හා වාත රෝගවලට ඉඩ ඇත. අපල අවම වීමට බෝ මළුවේ බෝ පත්‍ර අතින් අහුලා දමන්න.
සුබ අංක – 3, 5 / සුබ වර්ණ – කොළ, කහ / සුබ දවස් – බදාදා, සිකුරාදා.
කටක – ආර්ථිකය ශක්තිමත්
සඳු ගමන් කරන්නේ 5, 6, 7 යන භාවයන් මතිනි. දරුවන්ගේ ඉගෙනුම් කටයුතු සාර්ථකව කරගෙන යා හැකි තත්ත්වයක් පෙන්නුම් කරයි. විවාහය ප්‍රමාද වු අයට ඒ පිළිබඳ සුබ පණිවුඩ ලැබෙන්නට පුළුවන. රැකියා ව්‍යාපාරවලින් ලාභ ප්‍රයෝජන අත්වෙයි. ආර්ථිකය ශක්තිමත්ය. අපල අවම වීමට ඔබේ සේවය අවංකව ඉටු කරන්න.
සුබ අංක – 7 / සුබ වර්ණ – සුදු, කහ / සුබ දවස් – සඳුදා, අඟහරුවාදා.
සිංහ – රැකියාවලින් ලාභ ප්‍රයෝජන
සඳු ගමන් ගන්නේ 4, 5, 6 යන භාවයන් මතිනි. ගෙදරදොර කටයුතු පිළිවෙළකට සහ නව මුහුණු වරකින් කරගෙන යාමට ගන්නා උත්සාහය නිසා වෙහෙසට පත්වේ. රැකියා සඳහා ඇවිදිලි වැඩි නමුත් ලාභ ප්‍රයෝජන ගෙන දෙයි. ගෘහ ජීවිතය සමාදානයෙන් ගතවෙන සහ පුණ්‍ය කටයුතුවලට දායකත්වයක් ලබා දෙයි.
අපල අවම වීමට කතා කරන දේ ගැන දෙවරක් සිතන්න.
සුබ අංක – 4/ සුබ වර්ණ – රතු / සුබ දවස – ඉරිදා, අඟහරුවාදා.
කන්‍යා – මව් පාර්ශ්වයෙන් ලාභ ප්‍රයෝජන
සඳු ගමන් ගන්නේ 3, 4, 5 යන භාවයන් හරහාය. ඔබගේ සහජ දක්ෂතාවලින් ලාභ ප්‍රයෝජන ගත හැකි අතර පවුලේ අයගෙන් හෝ මව්පාර්ශ්වයෙන් ලාභ ප්‍රයෝජන ගෙන දෙයි. පදිංචි ස්ථානයේ දියුණුව පිණිස යම් කටයුත්තක් ආරම්භ කිරීමට මුල පුරයි. දරුවන්ගේ දක්ෂතා වැඩි දියුණු වෙයි. සිතුවිලි යහපත් වේ.
අපල අවම වීමට ඇසුරු කරන අය සමග මධ්‍යස්ථව කටයුතු කරන්න. භාවනාවක යෙදෙන්න.
සුබ අංකය – 5 / සුබ වර්ණය – කොළ/ සුබ දවස – සිකුරාදා, බදාදා.
තුලා – මා පිය සොහොයුරු බැඳීම
සඳු ගමන් ගන්නේ 2, 3, 4 යන භාවයන් මතිනි. ඔබගේ කථා බහට අන්‍යයන්ගේ ආදරය සහ ප්‍රසාදය හිමිවන සතියකි. රැකියා ව්‍යාපාර ස්වයංරැකියා ආදියට සුබපල ඇති කරයි. සොයුරු මා පිය දූ දරු බැදීම් වර්ධනය වේ. යහපත් වු පුණ්‍ය සිතුවිලි පල දරන ගෘහ ජීවිතය සමාදානයෙන් ගතවෙන බවක් පෙනෙන්නට ඇත.
අපල අවම වීමට ඉවසීම, කාරුණික බව වර්ධනය කරන්න.
සුබ අංක – 6 / සුබ වර්ණය – ලා කොළ/ සුබ දවස – සෙනසුරාදා, බදාදා..
වෘශ්චික – සහජ දක්ෂතා ඔප් නැංවේ
සඳු ගමන් ගන්නේ ලග්නය 2 සහ 3 වැන්න හරහාය. ආර්ථිකය ශක්තිමත් කර ගත හැකි තම සහජ දක්ෂතා ඔප් නංවා ගත හැකි සතියක් වන අතර ආරම්භය තරමක් ගැටලු ඇති කරයි. ඒ නිසා මුල් දින දෙක කල්පනාවෙන් කටයුතු කරන්න. සමාජය හා ගැටීමේදී වචන ප්‍රවේශමෙන් හසුරුවන්න. පසුතැවිලි නොවීමට වග බලා ගන්න. අපල අවම වීමට උදෑසන රතු සුදු මල් පූජාකර බුදුන් වඳින්න.
සුබ අංක – 7 / සුබ වර්ණ – රතු / සුබ දවස් – අඟහරුවාදා, ඉරිදා.
ධනු – මිශ්‍රපල ගෙන දෙයි
සඳු ගමන් ගන්නේ 12, 1, 2 යන භාවයන් මතිනි. ආරම්භය තරමක් ගැටලුකාරී විය හැකි බැවින් වියදම් වැඩි ගමන් බිමන් යෙදෙන දිනයක් විය හැක. නීතිමය කටයුතුවලට ද යොමු විය හැක. ඉන් පසු කාලය යහපත්ය. සාමාජීය පොදු වැඩ පුණ්‍ය කටයුතුවලට දායකත්වයක් ඇතිවෙන ආර්ථිකය ශක්තිමත් කර ගත හැකි වේ. සෞඛ්‍ය තත්ත්වය පිළිබඳ සැලකිලිමත් වන්න. අපල අවම වීමට පංචශීලය ප්‍රමාණවත් වේ.
සුබ අංකය -5 / සුබ වර්ණය – කහ / සුබ දවස් – ඉරිදා, බදාදා.
මකර – ලැබීම් සහිතය
සඳු ගමන් ගන්නේ 11, 12 ලග්නය යන භාවයන් හරහාය. ආරම්භය සතුටුදායකය. ඔබට හිත මිතුරන්ගෙන් හෝ දරු මුණුපුරන්ගෙන් සතුටුදායක බවක් ගෙන දෙයි. යමෙක් ඉල්ලාගෙන ගිය මුදලක් හෝ ලැබීමට ඉඩ ඇත. දෙවන තුන්වන දිනවලදී වියදම් වැඩිය. මුදල් පාලනය ප්‍රවේශමෙන්. ඇසුරු කරන අයගේ ප්‍රසාදය හිමි වේ. අපල අවම කර ගැනීමට තිරිසන් සතුනට, පක්ෂීන්ට ආහාර ජලය දෙන්න.
සුබ අංකය – 9 / සුබ වර්ණය – නිල් / සුබ දවස් – සිකුරාදා.
කුම්භ – දරුවන්ගේ අධ්‍යාපනය
සඳු ගමන් ගන්නේ 10, 11, 12 යන භාවයන් හරහාය. රැකියාවේ කාර්යන්වලට මුල් තැනක් දෙන අමතර ආදායම් සෙවීමට උත්සාහ දරන සතියකි. ආර්ථිකය ශක්තිමත් බවක් ඉසිලුවත් වියදම් වැඩි බවක් පෙන්වයි. අනවශ්‍ය වියදම් මග හරින්න. දරුවන්ගේ අධ්‍යාපනික ප්‍රගතිය ඇත. සෙම් රෝග හිස රදය පෙන්වයි.
අපල අවම වීමට රෝගී වු අයට උදව් කරන්න.
සුබ අංකය – 8 / සුබ වර්ණය – නිල් / සුබ දවස – සිකුරාදා.
මීන – පුණ්‍ය සිතුවිලි පල දරයි
සඳු ගමන් ගන්නේ 9, 10, 11 යන භාවයන් මතිනි. පුණ්‍ය සිතුවිලි ඇතිව ආරම්භ වන සතිය තුළ ඔබ භාග්‍ය වන්තය. දරුවන්ගේ අධ්‍යාපනික ප්‍රගතිය ගෙන දෙයි. රැකියා වෙළඳ ව්‍යාපාරවලින් ලාභ ප්‍රයෝජන ලද හැකි වේ. ගෘහ ජීවිතය තුළ කළමනාකාරිත්වයකින් කටයුතු කරයි. අසනීප අපල අනතුරුද ඇති බැවින් ප්‍රවේශමෙන් කටයුතු කරන්න. අපල අවම වීමට අන්තරාය නිවාරණ පිරිත කියන්න.
සුබ අංකය – 3 / සුබ වර්ණ – කහ / සුබ දවස බ්‍රහස්පතින්දා, අඟහරුවාදා
