594
පානදුර පල්ලියමුල්ල කෙසෙල්වත්ත ප්‍රදේශයේ දී අද(30) අලුයම පොලීසිය සිදුකළ වෙඩි තැබීමකින් පුද්ගලයෙකු තුවාල ලබා රෝහල් ගත කර තිබේ.
පානදුර උතුර පොලීසිය විසින් සිදුකළ සෝදිසි මෙහෙයුමක් අතතුර පොලිස් මාර්ග බාධකයකදී ලොරි රථයකට නවත්වන ලෙසට අණ කර ඇත.
එහිදී එම ලොරිය අණ තොතකා සැක සහිත ලෙස ඉදිරියට ධාවන කර ඇති අතර පසුව පොලීසිය විසින් ලොරි රථයට වෙඩි තබා තිබේ.
එහිදී ලොරි රථයේ සිටි පුද්ගලයෙකු තුවාල ලබා ඇති අතර ඔහු මේ වන විට පානදුර රෝහලේ ප්‍රථිකාර ලබමින් සිටින බව පොලීසිය පවසයි.
පොලීසිය පැවසුවේ මෙම අවස්ථාවේ දී ලොරි රථයෙන් හරක් ප්‍රවාහනය කරමින් සිටි බවයි.
