ලෝක ළමා දිනය නිමිත්තෙන් ශ්‍රී ලංකා ඉන්ෂුවරන්ස් ලයිෆ්, ඔක්තෝම්බර් 01 වැනි දින උපත ලැබූ දරුවන්ගේ මවුපියන්ට රු. මිලියනයක් වටිනා ජීවිත රක්ෂණ ආවරණයක් නොමිලේ පිරිනමමින් තවත් සමාජ සත්කාරක වැඩසටහනකට මුලපිරීය. මෙම වැඩසටහන දිවයින පුරා විහිදුණු රෝහල් ආවරණය කරමින් එදිනම ක්‍රියාත්මක කරනු ලැබීය. මෙම විශේෂ ප්‍රජා සත්කාරක වැඩසටහන 2022 වර්ෂයේ ආරම්භ කරනු ලැබු අතර මෙහි මුලික අරමුණ වුයේ රක්ෂණයක් තුළින් දරුවන්ගේ අනාගතය සුරක්ෂිත කිරීමයි. මෙම වැඩසටහන හේතුවෙන් සමාජයට ඇතිවන අභිවෘද්ධිය අවබෝධ කරගත් ශ්‍රී ලංකා ඉන්ෂුවරන්ස් ලයිෆ් (SLICLL) 2024 වසරේදී අඛණ්ඩව තුන්වැනි වරටත් එය ක්‍රියාත්මක කිරීමට තීරණය කළේය.
ශ්‍රී ලංකා ඉන්ෂුවරන්ස් ලයිෆ් තම ව්‍යාපාර ක්‍රියාත්මක වන වපසරියේ ජනතාවගේ දියුණුව වෙනුවෙන් නිරතුරුව ක්‍රියාත්මක වන ආයතනයකි. මේ තුළින් රටේ සමාජ ආර්ථික තිරසරභාවය සඳහා දායක වීමට ශ්‍රී ලංකා ඉන්ෂුවරන්ස් ලයිෆ් කටයුතු කරයි.
