ජනාධිපතිවරණ වියදම් වාර්තා අවසන් දිනය ඉරිදා

ඉකුත් ජනාධිපතිවරණයේදී ක්‍රියාත්මක වූ මැතිවරණ ප්‍රචාරක වියදම් සීමා පනත යටතේ සිය මැතිවරණ වියදම් වාර්තා ඉදිරිපත් කිරීම සඳහා අපේක්ෂකයන්ට ලබා දී තිබූ කාලය 13 ඉරිදා පස්වරු 3ට අවසන් වන අතර, ඉකුත් 10 වැනිදා වන විට එම වාර්තා ඉදිරිපත් කර තිබුණේ අපේක්ෂකයන් 8 දෙනකු පමණක් බව මැතිවරණ කොමිෂන් සභාව නිවේදනය කළේය.

2023 අංක 3 දරන මැතිවරණ වියදම් නියාමන පනත ඉකුත් ජනාධිපතිවරණයේදී පළමු වරට ක්‍රියාත්මක වූ අතර, ජනාධිපතිවරණ ඡන්ද විමසීම අවසන් වී දින 21ක් ඇතුළත සියලු අපේක්ෂකයන් සිය වියදම් වාර්තාව මැතිවරණ කොමිසමට භාර දීම අනිවාර්ය වේ. ඒ අනුව ජනාධිපතිවරණයට ඉදිරිපත් වූ සියලු අපේක්ෂකයන් ඔක්තෝබර් 13 පස්වරු 3ට පෙර සිය වියදම් වාර්තා කොමිෂන් සභාවට ඉදිරිපත් කළ යුතුව ඇත.