149
සියැට්හි විශිෂ්ට අලෙවි නියෝජිතයින් හඳුනා ගැනීම සහ උපහාර දැක්වීම වෙනුවෙන් දින දෙකක අලෙවි නියෝජිත සමුළුවක් සහ උත්කර්ෂවත් සම්මාන උලෙළක් පවත්වන ලදි.
සන්නාමය සඳහා ආධාරක වන ජර්මානු ඉංජිනේරුකරණය, පර්යේෂණ හා සංවර්ධන විශේෂඥතාව පදනම් කරමින් ‘ඔටෝබාන්’ ලෙස තේමා කරගත් මෙම අවස්ථාව සඳහා ජර්මනියේ ෆ්‍රැන්ක්ෆර්ට් හි පිහිටි සියැට් පර්යේෂණ සහ සංවර්ධන මධ්‍යස්ථානයේ සාමාන්‍යාධිකාරී – (ගෝලීය එළිමහන් පර්යේෂණ) ස්වෙන් රත් ද සහභාගි විය.
සම්මාන රාත්‍රියේ දී පිළිගැනීමේ දේශනය පවත්වමින් සියැට් කැලණි හෝල්ඩින්ග්ස් හි සභාපති වානක ද සිල්වා ප්‍රකාශ කර සිටියේ උපහාර ලැබූ විශිෂ්ට අලෙවි නියෝජිතයින් 125 දෙනා සමාගමේ හද ගැස්ම නියෝජනය කරන බවත් ඔවුන් සමාගමේ සාර්ථකත්වයේ වැදගත් කොටසක් වන බවත්ය.
