ජේසු බබා ඉපදුන දා
සීතල උඳුවප් මාසයේ දිනෙක ජේසු බිළිදා ඉපදුනේය. ඒ පුංචි ගවලෙනකදීය. සාමයේ පණිවුඩය රැගෙන ආ ඒ කුමරුවා අද මුළු ලෝකයම ආදරයෙන් සිහිකරති. ලොව පුරා කතෝලික ජනතාව නත්තල සමරන්නේ මහත් භක්තියෙනි.
සෙනුලි තෙහස්නා
3 ශ්‍රේණිය ‘ඒ’, ලුම්බිණි විදුහල, කොළඹ 05.
මට හරි සතුටුයි
නත්තල සමරනු ලබන්නේ කතෝලික ජනතාව විසිනි. නත්තල් උත්සවයදා පරිසරය හරිම අලංකාරය. ඒ නත්තල් සැරසිලි නිසාය. නත්තල් ගස විවිධ ආකාරයෙන් සරසයි. පුංචි අපි නත්තල් දවසට ඉන්නේ හරිම සතුටිනි. එදිනට අපට වැඩිහිටියන්ගෙන් තැගි ද ලැබෙයි.
සකිඳු තෙවරප්පෙරුම
5 ශ්‍රේණීය ඊ, ඩී.එස්. සේනානායක විද්‍යාලය, කොළඹ – 07.
නත්තල සමරමු
ජේසුස් ක්‍රිස්තුත් වහන්සේගේ උත්පත්තිය සිදු වූ දෙසැම්බර් මස 25 දා ලෝකවාසී ජනතාවට ඉතා වැදගත් දිනයකි. නත්තල් දිනයේ තේමාව වන්නේ සාමයයි. නත්තල වඩාත් අර්ථවත් වීම උදෙසා සියලු කිතුනුවන් දයාව කරුණාව, සාමය සහයෝගය යන උතුම් ගුණ පෙරදැරිව නත්තල සමරන්නට සැරසේ. අතීතයේ විසූ ශාන්ත නිකලොස් පියතුමන් නත්තල් සීයා ලෙස නිරුපණය වන බව පොත පතේ අතීත කතාවල සඳහන්වේ. නත්තල් බැති ගීතිකා හා නත්තල් කැරොල් ගීත ගායනා කිරීම හැම නත්තලකදීම දකින්නට ලැබෙන විශේෂ දෙයකි. නත්තල වෙනුවෙන් නත්තල් ගසින් මෙන්ම වෙනස් සැරසිලිවලින් නිවෙස් හැඩකිරීමද දක්නට ලැබෙන දෙයකි.
දිල්ෂි සශ්‍රීකා, 12 ශ්‍රේණිය, බෞද්ධ බාලිකා පාසල, කිරිමැටියාන.
ලොවට සාමය උදා වේවා!
ජේසු බබා ඉපදුන නත්තල්දා සමරන්නට මේ වන විට කවුරුත් සූදානම්ය. ලොව පුරා කතෝලික වැසියෝ එදින නත්තල සමරන්නේ පල්ලියේ දේවමෙහෙයන්ට සහභාගි වීමෙනි. පසුව ඔවුහු තම නැදැ හිතු මිතුරන් හා එක්ක සාදයන් පවත්වති.
බෙත්ලෙහෙම් නුවරදී උපන් ජේසුස් වහන්සේ ලෝකයටම සාමය සතුට ගෙන ආවේ යැයි කාගේත් මතය වේ. නත්තලේ වැඩියෙන්ම සතුටු වන්නේ දරුවන්ය. ඒ ඔවුන්නට පවුලේ හැමෝගෙන්ම තැගි බෝග ලැබෙන බැවිනි.
සනුමි සිතුලිමා, 9 ශ්‍රේණිය, ‘ඒ’, රාජකීය විද්‍යාලය, හොරණ.
කිතු උපත
ජුසේතුමා හා මරියතුමියට දාව උපන් කුමරා ජේසුස්ය. ලොවට සාමය උදා කරන්න පැමිණි කුමරා ලෙසින් ජේසු බිලිදා හැඳින්වේ. උන්වහන්සේ දුකට පත්, විපතට පත් දිළින්දන්, බිලින්දන් ආදි වූ සෑම කෙනෙකුටම කරුණාව මෛත්‍රිය වපුරන්නට වූහ. උන්වහන්සේ සාමයේ පණිවුඩය ලොවට හඬගා කියන්නට විය. යුදෙව්වන් හැම විටම උන්වහන්සේට එරෙහිව නැඟී සිටියේය. උන්වහන්සේ ඝාතනය කරන්නට හැමවිටම උත්සාහ දැරීය. අවසානයේ උන්වහන්සේ කුරුසයේ ඇණ ගසා ඝාතනය කළේය. කෙසේ වෙතත් අද ද ලොව පුරා ජනතාව උන්වහන්සේගේ උපත මහත් ආදරයෙන් සමරන්නේය.
ඊ. කේ. නදින්සා නුලන්දි සුහියොං
9 ශ්‍රේණිය, ධර්මසේන ආටිගල බාලිකා විද්‍යාලය, කැස්බෑව.
මමයි නත්තල් සීයා
දිගට දිගේ සුදු රැවුල දිගයි
ටිකක් උසයි
බඩත් ලොකුයි
මගේ ඇදුම රතු පාටයි
මමයි නත්තල් සීයා..
කළුද සුදුද මට පාටක් නෑ
ලොකුද පොඩිද මම බලන්නේ නෑ
හැමෝටම මම තෑගි බෙදන්නේ
මමයි නත්තල් සීයා..
රුඩොල්ෆ් තමයි නායකයා
අපේ කරත්තේ
ලෝකෙ වටේ යනවා
මම මගේ කරත්තේ
යේසු බබා ඉපදුනු
මේ නත්තල් දවසේ
හැමෝටම මම තෑගි දීල
සතුට ගේන්නේ
අහල්‍යා වික්‍රමසිංහ
3 ශ්‍රේණිය, කාන්තා විද්‍යාලය, කොළඹ 07.
නත්තල් දා
සීනු හඬින් හැඬවෙන නත්තල් දා ජේසුස් වහන්සේගේ උපත සමරයි. නත්තල සමරන්නේ කිතුනු බැතිමතුන් විසිනි. කැරොල් ගී ගයමින්, පල්ලියේ දේවමෙහෙයන්ට සහභාගි වෙමින් ඔවුහු නත්තල සමරති. එමෙන්ම නත්තල් සීයා එනතුරු ළමයි මඟ බලා සිටිති.
අනුජ හිරණ්‍ය ඉදුරංග
4 ශ්‍රේණිය ‘බී‘, මහාචාර්ය සේනක බිබිලේ ආදර්ශ විද්‍යාලය, බිබිල.
මට සතුටුම දවස
ජේසුස් වහන්සේ ඉපදුන දා සමරන්නෙ හරිම ආසාවෙන්. අප්පච්චියි, අම්මයි, මමයි නත්තල් දවසට අපේ ගෙදර නත්තල් ගහ සරසනවා. මගෙ යාළුවොත් ඒක බලන්න එනවා. නත්තල් දවසට මට හරි අපූරු තැග්ගකුත් ලැබෙනවා. ඒ නිසාම මම නත්තල උදාවන තුරු බලා ඉන්නේ හරිම ආසාවෙන්.
ගනිඳු මන්විසි
3 ශ්‍රේණිය ‘සී‘, මාම්පේ කනිෂ්ඨ විද්‍යාලය,
පිළියන්දල.
