56
ඔස්කාර් සම්මානලාභී වාර්තා චිත්‍රපටයක් වන ‘නෝ අදර් ලෑන්ඩ්’ පලස්තීන සම අධ්‍යක්ෂවරයා පසුගියදා ලෝකයට කියා ඇත්තේ, මෙම සතියේ ඊශ්‍රායල පදිංචිකරුවන් සහ සොල්දාදුවන් අතර ඇතිවූ සටනින් තමන් ‘මිය යනු ඇතැයි’ සිතූ බවය. හොලිවුඩයේ ඔස්කාර් සම්මානය දිනා සති කිහිපයකට පසුව පහර කා තුවාල ලැබූ හම්දාන් බල්ලාල් ඊශ්‍රායල හමුදා විසින් පසුගිය සඳුදා අත්අඩංගුවට ගෙන අඟහරුවාදා ඊශ්‍රායලයේ කිරියාට් අර්බා ජනාවාසයේ පොලිස් ස්ථානයකින් නිදහස් කර ඇත.
