2023 අගෝස්තු 28 , කොළඹ – Aberdeen Holdings අනුබද්ධ, පුද්ගලික හිමිකාරීත්වය සහිත ශ්‍රී ලංකාවේ ප්‍රථම හා එකම අඩු වියදම් ගුවන් සේවාව වන FitsAir ආසියානු කලාපයේ නියමිත වේලාවට සේවාවන් සලසන ගුවන් සේවාව ලෙස පසුගියදා තේරී පත් විය.
ලොව පිළිගත් ගෝලීය ගුවන් සේවා විශ්ලේෂණ සමාගමක් වන Cirium විසින් ඉතා සුපරික්ෂාකාරී අයුරින් සිදු කරන ලද ජූලි මස කාර්ය සාධන වාර්තාව පදනම්ව ජාත්‍යන්තර ගුවන් ගමන් ජාලය තුළ 100%ක නියමිත වේලාවට කටයුතු කිරීමේ විශිෂ්ටත්වය වෙනුවෙන් 2023 ජූලි මාසයේදී FitsAir සමාගම මෙම ගෞරවයට පාත්‍ර වූයේය.
FitsAir 2022 වසරේදී සිය ජාත්‍යන්තර මගී ගුවන් සේවා ආරම්භ කරනු ලැබුවේ සැමට දැරිය හැකි මිලකට, සුවපහසු විකල්ප ගමනාගමන සේවාවක් සපයා දීම වෙනුවෙනි
මෙම ජයග්‍රහණය පිළිබඳව අදහස් දක්වමින් FitsAir සමාගමේ විධායක අධ්‍යක්ෂක අමාර් කසීම් සඳහන් කර සිටියේ මගීන් හට කරදරයකින් තොරව පහසුවෙන් ගමන් කිරීමට මෙන්ම නියමිත වේලාවට ගුවන් සේවා ක්‍රියාත්මක කිරීම සඳහා තම ආයතනය නිරන්තරයෙන් කැපවී කටයුතු කරන බවය.
www.fitsair.com වෙත පිවිසීම තුළින් FitsAir හි ප්‍රවේශ පත්‍ර වෙන් කරවා ගැනීමට හෝ ඒ පිළිබඳ වැඩිදුර විස්තර දැන ගැනීමට හැකි වන අතර (+94) 117 940 940 හෝ WhatsApp (+94) 777 811 118 යන පාරිභෝගික සේවා අංක ඇමතීමෙන්ද තොරතුරු දැන ගත හැකිය.
