බස්නාහිර, මධ්යම සහ දකුණු පළාත්හි රෝහල් සායනික අපද්රව්ය ටොන් සියයකට අධික ප්රමාණයක් ගොඩගැසී ඇතැයි සෞඛ්ය සේවා අධ්යක්ෂ ජෙනරාල් වෛද්ය අනිල් ජාසිංහ මහතා පවසයි.
මේ දිනවල ඇදහැළෙන අධික වර්ෂා තත්ත්වය හේතුවෙන් මේ අපද්රව්ය නිසා විශාල උවදුරක් සිදු වනු ඇතැයිද මේ තත්ත්වය තවදුරටත් පැවතුණ හොත් රෝහල් සේවා පවා අක්රිය වන තත්ත්වයක් ඇති වන බවද ඒ මහතා පවසයි.
රෝහල් තුළ සායනික අපද්රව්ය සෞඛ්යාරක්ෂිත ලෙස පුලුස්සා දැමීම පිණිස මුතුරාජවෙල ඉඩමක් වෙන් කර එහි දාහකයක් ඉදි කරන්නට කැබිනට් අනුමැතිය ලැබුණු අතර, ඒ දාහකය ඉදි කර සක්රිය කිරීම ආරම්භ වී මාස කීපයකට පසු වත්තල ප්රාදේශීය සභාව ඒ කටයුතු සිදු කළ ආයතනයේ වෙළෙඳ බලපත්රය අත්හිටුවනු ලැබීම නිසා මේ ගැටලුව උග්ර වී ඇත.