අද රාජ්‍ය සහ පෞද්ගලික මූල්‍ය ආයතනවල A.T.M යන්ත්‍ර සවිකර ඇත. මේ නිසා පොදු මහජනතාවට අවශ්‍ය මුදල් ලබාගැනීම ඉතා පහසු වී තිබේ.
එහෙත් එම යන්ත්‍ර සවිකර ඇති ස්ථානවලට රෝද පුටුවකින් හෝ යාමට අවශ්‍ය පහසුකම් සලසා නොතිබීම ආබාධිත පිරිස් නොසලකා හැරීමකි.
බොහෝ මූල්‍ය ආයතන තුළට ද ආබාධිතයනට නිදහසේ යෑමේ පහසුකම් සලසා නොතිබීම කනගාටුදායකය. රාජ්‍ය වේවා පෞද්ගලික වේවා මූල්‍ය ආයතනයක් ඉදිකිරීමේදී කොයි කාටත් පහසුවෙන් ආයතනයට ඇතුළුවී ගනුදෙනු කිරීමේ පහසුකම් තිබිය යුතු ය. දැවැන්ත පඩි පේලි මතින් ඉහළට ඉහළට නැ‍ඟගෙන යාම ආබාධිතයන්ට පමණක් නොව වියපත් ජනතාවටත් දැඩි අපහසුවකි.
පරගම්මන නන්ද
